Joe Biden edhe zyrtarisht është bërë kandidat i demokratëve për president të Shteteve të Bashkuara të Amerikës, ku ishin të pranishëm edhe dy “veteran” të kësaj organizate politike.
Dy ish-presidentët demokratë, Bill Clinton dhe Jimmy Carter, si dhe ish Sekretari i Shtetit, Colin Powell, një republikan, miratuan kandidimin e Bidenit në kongresin e partisë, raporton BBC.
Clinton tha se presidenti Donald Trump kishte sjellë "kaos" në Zyrën Oval të Shteteve të Bashuara të Amerikës, transmeton Telegrafi.
Konventa ishte virtuale, në mesin e pandemisë së coronavirusit dhe është e paqartë nëse një format fjalimesh të para-regjistruara dhe asnjë audiencë e gjallë, do të krijojnë të njëjtat nivele entuziazmi si tubimet tradicionale të partisë.
Biden, ish-zëvendëspresidenti gjatë presidencës së Barack Obamës, u bë kandidati i partisë në një votim të regjistruar paraprakisht nga delegatët e 50 shteteve.
Theksojmë edhe Konventa e Republikanëve që do të mbahet gjatë javës së ardhshme, do të jetë gjithashtu virtuale.
Ndryshe, zgjedhjet presidenciale amerikane pritet të mbahen më 3 nëntor të këtij viti, ku do të ballafaqohen presidenti aktual, Trump si dhe Biden. /Telegrafi/
