Jo vetëm Salah, Van Dijk dhe Alexandre Arnold: Pesë lojtarë të tjerë të Liverpoolit mund të largohen këtë verë

Liverpooli po përgatitet për një verë të rëndësishme, me një rishikim të skuadrës në afatin kalimtar, ku pritet të ketë shumë ndryshime.  

Qasja e klubit në vitet e fundit ka qenë e kujdesshme, por ky kufizim duket se do të braktiset pasi figurat kryesore po peshojnë të ardhmen, pasi po konsiderohet që kërkesat tyre janë të tepërta.   

Nënshkrimi i vetëm i verës së kaluar ishte Federico Chiesa për një shumë modeste prej 10 milionë funtesh, ndërsa janari kaloi pa përforcime – një nga pesë klubet e Ligës Premier që abstenoi të merrte lojtarë në mes të sezonit. 

Kjo qasje konservatore, veçanërisht përballë shpenzimeve të mëdha nga rivalët, ka nxitur zhgënjimin e tifozëve, por është Sky Sports që shkruan se afati kalimtar i ardhshëm do të jetë ndryshe.  

Me pasigurinë që rrethon të ardhmen e Mohamed Salah, Virgil van Dijk dhe Trent Alexander-Arnold – të gjithë duke hyrë në vitin e fundit të kontratave të tyre – skuadra e Liverpool mund të pësojë ndryshime të mëdha. 

Gazetari Florian Plettenberg raporton se pesë lojtarë – Caoimhin Kelleher, Wataru Endo, Harvey Elliott, Federico Chiesa dhe Diogo Jota – janë kandidatë potencialë për t’u larguar nga klubi. 

Pas dy afate kalimtare të vakta të transferimeve, lëvizjet e radhës të Liverpoolit do të jenë vendimtare. E ardhmja e këtyre pesë lojtarëve është në shqyrtim, dhe me situata të mëdha kontratash për t’u zgjidhur, Anfield është vendosur për një verë magjepsëse tranzicioni. /Telegrafi/