“Jo gjithmonë fiton më i miri, Real Madridi nuk e meritoi”, Messi thumbon madrilenët

Lionel Messi në një intervistë të dhënë për TYC Sports, deklaroi se Real Madridi nuk e meritoi triumfin në Ligën e Kampionëve, pasi në këtë garë kishte ekipe më të mira.

Gjithashtu, argjentinasi lë të kuptohet se ky trofe i ka mbetur peng, për vetë mënyrën sesi shkuan gjërat.

“Fitorja e Real Madridit na vrau. Për mua dhe për ekipin, e gjithë dhoma e zhveshjes, si dhe gjithë Parisi, ai kompeticion na kishte krijuar një iluzion të madh dhe më pas, për mënyrën se si shkoi ndeshja, rezultati ishte një goditje e rëndë”, ka deklaruar shtatë herë fituesi i Topit të Artë.

Lexo po ashtu “Nuk më intereson çfarë ka thënë Lewandowski” – Messi me reagim të ashpër ndaj polakut

“Ne kishim një iluzion barbar në atë kompeticion, dhe aq më tepër, siç ishte ndeshja, rezultati ishte një goditje. Unë e kam jetuar tashmë për shumë vite, gjithë jetën time, nga afër, dhe e di se çfarë është Real Madridi. Dhe E dija që kjo mund të ndodhte në lojë, sepse ata shënojnë një gol nga hiçi dhe automatikisht ndryshojnë lojën”.

“E dija gjithashtu që në atë fushë të vijnë 15, 20 minutat e para. Dhe nëse ndodh më vonë, loja ndryshon. Por, nëse ndodh një lojë e çuditshme ose një gol, ajo ndryshon përsëri dhe e dija që mund të ndodhte dhe kjo na ka ndodhur neve dhe të gjitha skuadrave që përmendët (Chelsea, City dhe Liverpool) dhe nuk është hera e parë që ndodh”.

Lexo po ashtu Ngriten polemika mbi golin triumfues të Viniciusit - a duhej të anulohej goli i brazilianit?

“Jo gjithmonë fiton më i miri. Reali, pa hequr asgjë nga meritat e tyre, nuk ishte ekipi më i mirë i këtij edicioni, megjithatë i mundi të gjithë pretendentët”, ka shtuar më tej argjentinasi.

Real Madridi fitoi titullin e 14-të të Ligës së Kampionëve pasi mposhti Liverpoolin 1-0 në finale. /Telegrafi/