Jess Glynne dhe Alex Scott u shfaqën më të lumtura se kurrë teksa mbanin duart gjatë prezantimit të LABRUM në Javën e Modës në Londër.
Çifti, në një lidhje që nga viti 2023, tërhoqi vëmendjen me paraqitjet e tyre plot stil.
Këngëtarja Jess, 35 vjeç, veshi pantallona të zeza elegante dhe një pallto me nuanca portokalli, ndërsa Alex, 40 vjeç, shkëlqeu me një xhaketë ngjyrë deti dhe një fund, të kombinuara me çizme me lidhëse, shkruan DailyMail.
Në një rrëfim të fundit, Alex zbuloi se bashkëjetesa me Jess e ka bërë të ndihen "si i njëjti person" dhe se ndajnë të njëjtën rutinë.
Ajo kujtoi gjithashtu një moment të veçantë në Selfridges, ku Jess u nderua si fytyra e Fenty Hair nga Rihanna, duke theksuar sa krenare ndihet për suksesin e saj.
Ndërkohë, raportet sugjerojnë se çifti po shqyrton një zhvendosje në SHBA, ndërsa e ardhmja e Alex në BBC mbetet e pasigurt pas kritikave për shikueshmërinë e Football Focus.
Me një lidhje të fortë dhe karriera në zhvillim, duket se dyshja ka shumë plane për të ardhmen. /Telegrafi/
