“Jemi shumë të emocionuar”, Dua Lipa flet me ngazëllim për shtatzëninë e kunatës Gigi Hadid

Dua Lipa ka zbuluar ngazëllimin e saj përpara se të bëhet “teze” për fëmijën e Gigi Hadid dhe Zayn Malik.

Këngëtarja 24 vjeçare, e cila është në lidhje me vëllain e Gigit, Anwar Hadid, 20 vjeç, u prononcua për lajmin e lumtur pasi modelja konfirmoi se është pesë muajshe shtatzënë me fëmijën e saj të parë, shkruan DailyMail.

Ndërsa ishte e ftuar në një intervistë për “New Zealand Radio”, Dua u pyet nga gazetari i cili i tha: “Teknikisht, do të jesh teze?”.

“Po”, konfirmoi ylli. “Është një lajm shumë emocionues. Jemi shumë, shumë të emocionuar”, tha ajo.

Interpretuesja e hitit “New Rules” pranoi që ajo e dinte për shtatzëninë ‘pak’ para se ajo të konfirmohej të mërkurën.

Gigi Hadid, 25 vjeçare, konfirmoi se po pret fëmijën e saj të parë me të dashurin, këngëtarin Zayn Malik, 27 vjeçar, gjatë një paraqitjeje në “The Tonight Show Starring Jimmy Fallon”.

“Faleminderit shumë”, i tha Gigi pasi Jimmy e uroi për shtatzëninë.

Gigi, për të cilën mendohet se do të sjellë në jetë vajzë, ishte mirënjohëse që ishte në gjendje të përjetonte plotësisht shtatzëninë, tani që është detyruar të qëndrojë brenda për shkak të karantinës. /Telegrafi/