Mbi 50 të mitur të dënuar për vepra të ndryshme penale janë duke vuajtur dënimin në Qendrën Korrektuese në Lipjan. Të miturve gjatë vuajtjes së dënimit, u ofrohet arsimim, kurse, dhe trajnime të ndryshme. Kësisoj, ata që duan ta shfrytëzojnë këto trajnime, mund të jenë të gatshëm për punë, pasi të vuajnë dënimet.
Drejtori i Qendrës Korrektuese për të Mitur në Lipjan, Ali Gashi, në një intervistë për Telegrafin ka thënë se në qendër janë mbi 50 të dënuar, të cilët aktualisht vuajnë dënimin.
Gashi ka thënë se gjatë qëndrimit të tyre në këtë qendër, të miturit të cilët nuk dinë shkrim-lexim, mund të ndjekin mësimet, pasi që kanë angazhuar disa profesorë.
Gjithashtu ai tha se në këto qendra ofrojnë trajnime në fusha të ndryshme.
“Kemi një memorandum të bashkëpunimit me Agjencinë e Punësimit të Kosovës dhe me Qendrat e Aftësimeve Profesionale, dhe bashkërisht me ta organizojmë trajnime, kemi kurse për elektro, ngrohje klimatizim, ndërtimtari, tani kemi funksionalizuar edhe një qendër për trajnime për kuzhinier”, tha ndër tjera ai.
Duke folur për të miturit e burgosur, drejtori tha se brenda institucionit ata mund edhe të punësohen.
“Si institucion pos arsimit, ne të miturve përveç çështjes së rehabilitimit kemi mundësinë të ofrojmë edhe punësimin, dhe sipas nevojës edhe brenda institucioneve ku janë duke vuajtur dënimin, mund të angazhohen në punë, por tani kemi udhëzimin edhe për mundësinë e punësimit jashtë institucioneve”, bëri të ditur ai.
Drejtori tha se mundësia e punësimit të miturve iu ndihmon të risocializohen pas daljes nga burgu, dhe të pranohen nga bashkëmoshatarët e tyre.
Telegrafi gjatë qëndrimit në Qendrën Korrektuese të Lipjanit, intervistoi edhe ty të mitur, që janë duke vuajtur dënimin.
Ata treguan për trajnimet që kanë ndjekur, ndërsa u deklaruan se janë të gatshëm për tregun e punës, pasi të dalin nga burgu.
“Mosha ime është 20 vjeç. Në këtë qendër jam që 1 vit e dy muaj. Bëjmë lloj-lloj aktivitetesh, por merremi edhe me trajnime. Unë kam kryer trajnime për kuzhinier dhe elektro. Trajnimet nuk kanë qenë të vështira sepse instruktorët kanë qenë të mirë, dhe stafi gjithashtu. Kur të dal nga burgu, me pak praktik jam i gatshëm për punë”, u shpreh njëri nga të burgosurit.
“Mosha ime është 17 vjeç, jam këtu që një vit e pesë muaj, kushtet. Nuk është keq, është mirë. Kam kryer trajnime për rrobaqepësi dhe elektro. Si të dal do të vazhdojë me rrobaqepësi, ”, deklaroi një i burgosur tjetër.
Ndryshe, Qendra Korrektuese Lipjan, gjendet në pjesën veriore të Qytetit të Lipjanit, afër Lumit Sitnica.
Qendra Korrektuese në Lipjan është specifike për sa i përket kategorisë së të burgosurve për arsyeje se është e vetmja qendër në Republikën e Kosovës që akomodon të mitur dhe femra të burgosura, si dhe pranon të burgosur të kategorive të ndryshme, siç janë: Femra të dënuara; Femra të paraburgosura; Femra të mitura të dënuara; Femra të mitura me masë edukative korrektuese; Femra të mitura të paraburgosura; Të mitur të dënuar; Të mitur me masa edukuese korrektuese; Të mitur në paraburgim; Meshkuj të rritur të dënuar me dënime të shkurta për Kundërvajtje. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Toshkovski: Hapja e pikës kufitare në Markovën e Nogës do të jetë e rëndësishme për zhvillimin e turizmit
Prezantohen fletëvotimet për votimin në veri dhe kjo është pyetja
Kandidatët për president prezantojnë platformat e tyre përpara qytetarëve nëpër Maqedoni
Xhelal Sveçla ministri më i pasur, aksionar në biznes, trashëgimtar i shtëpisë dhe lokalit
Vuçiq në konferencë me O'Brienin: Nuk na shkon mendja për luftë me Kosovën
Sa kanë pasuri Osmani dhe Kurti? Dyshja deklaron pasurinë e tyre në Agjencinë për Parandalimin e Korrupsionit
Pahor paralajmëron plan të ri për dialogun nëse e merr detyrën e emisarit
Pasuria e majme e kreut të Prishtinës – banesa, rezidencë, veturë Tesla e koleksion pikturash milionëshe
Përplasje mes LVV e PDK në KQZ për votimin në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel