Japonia dhe Singapori vazhdojnë të mbajnë pasaportat më të fuqishme në botë, ka zbuluar një renditje e re globale, pasi qytetarët e tyre mund të vizitojnë 192 vende pa viza.

Renditja zbulon gjithashtu se Ukraina ka një rezultat pa viza/viza-në-mbërritje prej 143, një ‘rekord i lartë’ për vendin, dhe tani renditet në vendin e 34-të, duke u ngjitur me një vend që nga janari. Rusia mbetet pas në vendin e 49-të, me një rezultat prej 117, duke rënë nga vendi i 46-të, që kishte në fillim të këtij viti.

Ndërkohë, pasaporta e Mbretërisë së Bashkuar është ngjitur në nga vendi i 6-të në të 5-tin me notën pa viza 187, ndërsa pasaporta amerikane është një hap prapa në vendin e 6-të me 186 pikë.

Renditja është prodhuar nga Indeksi i Pasaportave Henley, i cili bazohet në të dhëna ekskluzive nga Shoqata Ndërkombëtare e Transportit Ajror (IATA). Ai analizon se në sa vende mund të hyjë një mbajtës i pasaportës pa vizë paraprake.

Të gjitha lajmet nga Pasaporta Të gjitha lajmet nga Pasaporta

Gjermania dhe Koreja e Jugut mbeten në vendin e dytë në përgjithësi, me mbajtësit e pasaportave në gjendje të udhëtojnë në 190 destinacione pa vizë.

Vendi i tretë ndahet midis Finlandës, Italisë, Luksemburgut dhe Spanjës, me mbajtësit e pasaportave të tyre në gjendje të kanë qasje në 189 destinacione në mbarë botën pa pasur nevojë të marrin vizë paraprakisht.

Pasaporta e Kosovës mban vendin e 104-të në listë me 40 vende që mund të udhëtoj pa viza, ndërsa Afganistani mbetet në fund të renditjes me shtetasit e tij në gjendje të vizitojnë vetëm 26 destinacione pa viza.

Sipas Indeksit të Pasaportave Henley, renditja e fundit e pasaportave tregon se pushtimi rus i Ukrainës, i cili ka bërë që miliona ukrainas të ikin në vendet fqinje, ka pasur një ndikim të thellë dhe ndoshta të pakthyeshëm në lirinë e lëvizjes brenda rajonit.

Si përgjigje ndaj veprimeve të Rusisë, BE-ja dhe SHBA-ja mbyllën hapësirat e tyre ajrore për transportuesit ajrorë rusë dhe u vendosën ndalime udhëtimi për qytetarët rusë. /Telegrafi/