James Cameron mohon spekulimet se po realizon film për tragjedinë e nëndetëses OceanGate

James Cameron nuk është duke punuar në një projekt të lidhur me tragjedinë e OceanGate.

Regjisori i filmit fitues të Oscar “Titanic” shkroi në Twitter së fundmi për të shuar thashethemet se ai ka plane të punojë në një projekt që lidhet me Titanikun që pësoi një “shpërthim katastrofik” muajin e kaluar, duke vrarë të pesë personat në bord, shkruan CNN.

“Unë zakonisht nuk u përgjigjem thashethemeve në media, por më duhet tani. Unë nuk jam në bisedime për një film OceanGate dhe as do të jem ndonjëherë”, shkroi regjisori në Twitter.

Përveçse është regjisor, Cameron ka bërë më shumë se 30 zhytje në rrënojat e Titanikut dhe është ndër të paktët njerëz që kanë zbritur në pikën më të thellë të njohur në shtratin e detit.

Nëndetësja OceanGate humbi komunikimet me anijen e saj mbështetëse të dielën, 18 qershor, e cila më pas nisi një kërkim në oqeane për ditë të tëra.

Pesë persona ishin në bordin e Titan kur u zhduk dhe përfundimisht u shpërtheu: CEO i OceanGate, Stockton Rush, 61 vjeç, miliarderi britanik pakistanez Shahzada Dawood, 48 vjeç dhe djali i tij Suleman Dawood, 19 vjeç, miliarderi britanik Hamish Harding, 58 vjeç dhe eksperti i Titanic, Paul -Henri Nargeolet, 77 vjeç.

Lexo po ashtu Regjisori i "Titanic" - James Cameron thotë se fatkeqësia e nëndetëses Titan mund të parandalohej: Do të doja të kisha folur, por supozova që dikush ishte më i zgjuar se unë

Cameron vuri në dukje ngjashmëritë e Titanikut, i cili u përmbys në vitin 1912, dhe kapitenit të tij, i cili ishte ‘paralajmëruar në mënyrë të përsëritur për akullin përpara anijes së tij, dhe megjithatë ai hyri me avull me shpejtësi të plotë në një fushë akulli në një natë pa hënë dhe shumë njerëz vdiqën si rezultat’.

“Për ne, është një tragjedi shumë e ngjashme ku paralajmërimet nuk u kushtuan vëmendje. Të bëhet pikërisht në të njëjtin vend me të gjitha zhytjet që po ndodhin në mbarë botën, mendoj se është thjesht befasuese. Është vërtet shumë surreale”, ka deklaruar regjisori.

OceanGate Inc. është një kompani private amerikane me bazë në Everett, Uashington, e cila ka ofruar zhytës me ekuipazh për turizmin, industrinë, kërkimin dhe eksplorimin. Kompania u themelua në vitin 2009 nga Stockton Rush, i cili ishte në mesin e pesë të vrarëve në Titan, dhe Guillermo Sohnlein. /Telegrafi/