Jada Pinkett Smith zbulon fjalët e para që i tha Will Smithit pas shuplakës së Chris Rock në “Oscars 2022”

Jada Pinkett Smith ka zbuluar saktësisht se çfarë i tha bashkëshortit të saj, Will Smith, në momentet pasi ai goditi Chris Rock në fytyrë në Oscars të vitit 2022.

Gjatë ceremonisë, Will, 55 vjeç, u hodh në skenë dhe goditi komedianin 58-vjeçar për një shaka që ai bëri për kokën e rruar të Jadas.

Duke folur 18 muaj më vonë, aktorja 52-vjeçare Jada tha se fillimisht mendonte se ndërveprimi ishte një skenë përpara se të konfirmonte tre fjalët që i tha Will-it pas incidentit.

“Mendova, “Kjo është një skenë”, shpjegoi Jada. “Unë isha sikur, “Nuk ka asnjë mënyrë që Will ta godasë”.

Duke folur për People, ajo zbuloi gjithashtu fjalët e saj të para për Will që ishin: “A je mirë?”.

Lexo po ashtu Jada Pinkett Smith pretendon se Chris Rock e ftoi në një takim mes thashethemeve për divorcin nga Will Smith

Will u zemërua nga komentet e Chris-it pasi koka e rruar e Jadas është për shkak të alopecisë.

Vetëm pak minuta më vonë, ai fitoi çmimin “Oscar” për aktorin më të mirë falë performancës së tij në “King Richard”.

Sidoqoftë, Will përfundoi duke u përjashtuar nga ngjarjet e Akademisë për një dekadë të tërë.

Jada gjithashtu tha për median se ajo e kuptoi se nuk ishte një skenë kur Smith filloi ‘të kthehej në karrigen e tij’.

Diku tjetër në intervistë, Jada zbuloi se ajo dhe Will në fakt ishin ndarë që nga viti 2016.

Çifti, i cili u martua në vitin 1997 dhe kanë fëmijë Willow dhe Jaden Smith, kanë tërhequr spekulime për martesën e tyre prej vitesh. /Telegrafi/