Ja përfitimet e qumështit të bletës

Qumështi i bletës është një substancë e prodhuar nga bletët e reja. Ai shërben si burim ushqimi për kolonitë e mbretëreshës së bletëve.

Po ashtu ai përdoret në mjekësi për shkak të përfitimeve të shumta.

Disa nga këto përfitime janë:

Forcon imunitetin tuaj dhe i lufton alergjitë

Duke u bazuar në një studim të bërë në vitin 2001 të publikuar në revistën ndërkombëtare International Immuno pharmacology, qumështi i bletës mund t’ua forcojë sistemin tuaj imunitar. Gjithashtu, në studim shkruante se mund t’i luftojë simptomat e alergjive sezonale.

I ndihmon pacientët me sëmundjen e alzheimerit

Studimet e fundit kanë treguar se qumështi i bletës mund të përmirësojë kujtesën tuaj sepse luan një rol të rëndësishëm në funksionet nervore. Kështu, ai mund t’i ndihmojë edhe pacientët me alzheimer për ta parandaluar këtë sëmundje dhe për të shëruar çrregullimet nervore, transmeton Kosovapress.

Përmban probiotikë nga të cilët mund të përfitoni

Qumështi i bletës është burim i përfitimit të baktereve të dobishme të cila iu ndihmojnë në tretjen e ushqimeve dhe luftimin e sëmundjeve të ndryshme. Studimet mjekësore kanë zbuluar se ndikon edhe në forcimin e imunitetit dhe kundër kancerit.

Rrit nivelet e kolagjenit

Një studim i bërë në Universitetin e Koresë KyungHee, raporton se qumështi i bletës i rregullon problemet me lëkurën dhe rrit nivelin e kolagjenit. Kolagjeni ndikon në parandalimin e rrudhave dhe tharjes së lëkurës.

E trajton osteoporozën

Sëmundja e osteoporozës ndodh kur eshtrat dobësohen. Sipas disa studimeve qumështi i bletës ndikon në forcimin e eshtrave duke rritur nivelin e kalciumit dhe fosfatit.

I shëron plagët

Mjalti njihet për vetitë shëruese të tij. Por, gjatë një studimi është vërtetuar se qumështi i bletës është akoma më efektiv. Gjatë studimit, qumështi i bletës ishte hedhur në plagë dhe ishte lënë ashtu për 48 orë. Pas 48 orëve ishte vërejtur rritja e numrit të lipideve të cilat ndikojnë në përshpejtimin e shërimit të plagëve.

E trajton diabetin

Përdorimi i qumështit të bletës ndikon në ndryshimin e niveleve të glukozës dhe kjo gjë mund t’i ndihmojë pacientët me sëmundjen e diabetit. Kjo mënyrë e shërimit është konsideruar nga studiuesit si trajtim në mënyrë natyrale./Telegrafi/