Izraeli pritet t’i hakmerret Iranit – këto janë lëvizjet e fundit të Tel Avivit ndaj Teheranit

Po vazhdon konflikti në Lindjen e Mesme mes Izraelit dhe Hamasit ndërkohë edhe reagimet ndaj sulmit iranianë drejt shtetit izraelit.

Izraeli vazhdon të shqyrtojë përgjigjen e tij ndaj sulmit të Iranit në territorin e tij të shtunën, raporton bbc.

Këtu është një vështrim prapa në atë se çfarë ndodhi sot:

Përgjigja e Izraelit: Pas mbledhjes së kabinetit të luftës së Izraelit, zyrtari izraelit thotë se plani është që Irani ta mbahet në ankth;

Lexo po ashtu Sulmi i Iranit ndaj Izraelit - të gjitha zhvillimet, minutë pas minute

Sanksionet: Izraeli tha se filloi një ofensivë diplomatike kundër Iranit, me ministrin e Jashtëm të Tel Avivit që u kërkoi më shumë se 30 vendeve të vendosin sanksione ndaj programit raketor të Iranit. Ndërkohë, Sekretarja e Thesarit e SHBA-së, Janet Yellen thotë se Uashingtoni pret të vendosë sanksione të mëtejshme ndaj Iranit “në ditët në vijim”;

Paralajmërimi i Iranit: Presidenti i Iranit, Ebrahim Raisi paralajmëroi se vendi i tij do të reagonte ndaj veprimit më të vogël kundër interesave të tij me një “përgjigje të ashpër, të gjerë dhe të dhimbshme”;

Sulmi i Libanit: Forcat e Mbrojtjes së Izraelit (IDF) thonë se kanë vrarë një komandant të Hezbollahut në një sulm ajror në qytetin jugor të Libanit, Ain Baal. Hezbollahu konfirmon vdekjen e Ismail Yousef Baz, pa dhënë detaje të mëtejshme për gradën e tij apo mënyrën se si u vra;

Lexo po ashtu Çfarë 'të mire' i solli Netanyahut sulmi i Iranit ndaj Izraelit?

Gaza: Forcat izraelite kanë filluar një operacion ushtarak në Beit Hanoun, një qytet në verilindje të Rripit. Ministria e shëndetësisë e drejtuar nga Hamasi thotë se të paktën 33,843 palestinezë në Gaza janë vrarë që nga tetori.