Italia demolon Turqinë në ndeshjen hapëse – italianët mesazh të qartë rivalëve

Italia ka shënuar fitore në ndeshjen hapëse të EURO 2020, duke e mposhtur Turqinë me rezultat të thellë 3-0.

Italianët ishin më të mirë nga fillimi në fund, duke dhuruar spektakël me plot kuptimin e fjalës, me aksione dhe gola të bukur.

I pari që rrezikoi në këtë ndeshje ishte Lorenzo Insigne, por goditja e tij shkoi ngjitur me shtyllën në minutën e 18-të.

Në minutën e 22-të, Giorgio Chiellini provoi me kokë, por portieri turk ishte në vend.

Ciro Immobile gjuajti në minutën e 33-të, por edhe ky nuk arriti të shënojë.

Italia në dy raste kërkoi penallti, por gjyqtari Danny Makkelie, nuk akordoi asnjërin.

Pjesa e dytë ishte më ndryshe, pasi që Italia ishte shumë më konkrete para porte duke gjetur golin që në start.

Domenico Berardi u fut në zonë harkoi fortë drejt portës, ku Merih Demiral në tentim për ta larguar topin, e dërgoi në portën e tij.

Ishte minuta e 53-të, kur Italia kaloi në epërsi prej 1-0.

Demiral scores the first goal of the competition and its an own goal and gives Italy the lead against Turkey.
_____________________________#TURITA | #EURO2020 pic.twitter.com/wEWoIGsj0Y

— B/R Goal (@br_goal) June 11, 2021

Italia pas golit kishte dy raste të mira edhe pas golit me Ciro Immobilen dhe Lorenzo Insignen, por pa sukses.

Por nuk vonoi shumë dhe Italia gjeti edhe golin e dytë.

Ciro Immobile si një ‘bomber’ i vërtet, goditi bukur nga brenda zonës nga një top i kthyer dhe shënoi për 2-0 në minutën e 66-të.

Ciro Immobile scores the second for Italy.
_____________________________#TURITA | #EURO2020 pic.twitter.com/YeMVg68WMd

— B/R Goal (@br_goal) June 11, 2021

Azurrët treguan dhëmbët deri në fund, duke mos u ndalur me ritëm të lartë dhe raste.

Në minutën e 79-të, Immobile pasoi bukur te Insigne që me stilin e tij të veçantë shënoi për 3-0.

Lorenzo Insigne makes it three for Italy.
_____________________________#TURITA | #EURO2020 pic.twitter.com/82SfdZIny9

— B/R Goal (@br_goal) June 11, 2021

Italia e nis me tri pikë dhe mesazh të qartë për rivalët aventurën në EURO 2020, ndërsa Turqia duhet të bëjë më mirë në dy ndeshjet e radhës për të mos u eliminuar në fazën e grupeve.  /Telegrafi/