ISW publikon detaje të asaj që ndodhi para rrëzimit të aeroplanit, a u ‘vra’ Prigozhini për shkak të Afrikës?

Kreu i grupit mercenar rus Wagner, Yevgeny Prigozhin, ka të ngjarë të jetë duke fluturuar me aeroplan nga Afrika për shkak të përpjekjeve të ushtrisë ruse për të minuar aktivitetet e Wagner-it në rajon, thuhet në raportin e 23 gushtit të Institutit për Studimin e Luftës (ISW).

Burime të brendshme të njohura me shërbimet ruse të sigurisë, pohojnë se ka pasur një “përpjekje për të çaktivizuar plotësisht Wagner-in nga operimi në Afrikë”, thuhet ndër tjera nga ISW, transmeton Telegrafi.

Pas rebelimit të shkurtër të Prigozhin-it kundër autoriteteve ruse në qershor, grupi i Wagner e zhvendosi fokusin nga Ukraina në operacionet e tij në vendet afrikane.

Lexo po ashtu Copëza të aeroplanit të Prigozhinit janë gjetur dy kilometra larg vendit të rrëzimit

Grupi mercenar është i lidhur me krimet e luftës në Republikën e Afrikës Qendrore dhe Mali. Më 21 gusht, Prigozhin publikoi një video të rrallë nga ajo që ai pretendonte se ishte Afrika.

“Është e mundur që Prigozhin të ketë udhëtuar në Afrikë me shpresën për të siguruar misione të mëtejshme për Wagner, të pavarur nga Ministria ruse e Mbrojtjes dhe Kremlini”, tha ISW.

Sipas burimeve të ISW, ushtria ruse kishte një plan për të zëvendësuar mercenarët e Wagner-it me një trupë prej 20,000 ushtarësh.

Lexo po ashtu Prigozhin për herë të fundit iu drejtua opinionit pak ditë më pare, çfarë tha?

“Burimi shtoi se Prigozhin ishte thellësisht kundër atyre përpjekjeve dhe ‘bëri çdo përpjekje për t’i parandaluar ato'”, tha ISW.

Kreu i supozuar i këtyre operacioneve ishte gjeneral-lejtnant Andrey Averyanov, kreu i shërbimeve speciale ruse.

ISW tha se Averyanov ishte i lidhur me tentativa për vrasje, duke përfshirë helmimin e Sergei Skripal dhe vajzës së tij Yulia.

Më 23 gusht, një aeroplan që supozohet se transportonte Prigozhin-in u rrëzua në rajonin Tsver të Rusisë, ku si pasojë humbën jetë të gjithë në bord.

ISW tha se “paniku dhe impulsiviteti” i shfaqur nga Prigozhin gjatë largimit nga Afrika mund ta ketë bërë atë të pambrojtur ndaj kundërshtarëve politikë. /Telegrafi/

⚡️⚡️⚡️ It was not a military plane that went down in the Tver region, but an Embraer 600 business jet with the flight number RA-02795.

According to Rosgvardia, the crashed plane listed Yevgeny Prigozhin among the passengers, Rosaviatsia reported.

The moment of the Embraer plane… pic.twitter.com/vS3EjqWgP8

— NEXTA (@nexta_tv) August 23, 2023