Ish-truproja i Kanye Westit tregon vështirësit e të punuarit me reperin, kujton debatin e ashpër që kishte bërë me të në ashensor

Ish-truproja i Kanye Westit, Steve Stanulis – i cili u raportua se u pushua nga reperi në vitin 2016 – ka folur se si ka qenë tëpunoje me Kanyen dhe Kim Kardashian.

Stanulis, një ish oficer i NYPD i Staten Island, bëri pretendimet e tij të fundit në një intervistë për Hollywood Raw me Dax Holt dhe Adam Glyn, duke thënë se atij iu dhanë ‘rregulla qesharake’ për t’u bindur dhe e përshkroi yllin e famshëm si “një nga më të njerëzit më të preferuar me të cilët ka punuar”, shkruan DailyMail.

Truporja pretendon se pati një debat me tone të ashpra që në ditën e pare të punës me Kanye Westin, pasi Stanulis ndodhej në ashensor me yllin e hip hop-it dhe nuk e dinte se cilin buton duhej shtyppur për të zbritur në katin ku ndodhej një studio, ku bëheshin prova për veshjen e tioj.

Ish-truproja i yjeve të famshëm i cili gjithashtu ka punuar me LeonardoDiCaprion, tha se Kanye e kishte qortuar se si ai nuk ishte interesuar më herët të dinte se në cilin kat dëshironte të zbriste West.

“Unë thashë – shiko vëlla, ne mund ta bëjmë këtë në një nga tre mënyrat. Një, ju mund të më thoni se çfarë butoni të shtyp, dhe tani unë do ta di. Dy, ju mund të shtypni butonin, dhe unë do të shoh atë që ju shtypni kështu që unë do ta mësoj. Ose tre, ju mund të uleni këtu tërë ditën dhe të më thoni se sa e rëndësishme është koha juaj dhe ne nuk do të shkojmë askund, ” rrëfeu Stanulis.

Stanulis më parë bëri vërejtje poshtëruese për çiftin Kanye West dhe Kim Kardashian, pas grabitjes që i ndodhi kësaj të fundit në Paris në tetor të vitit 2016.

Në atë raund të intervistave në media, Stanulis pohoi se West nuk e lejonte truprojen e tij që të merrte të njëjtën taksi si ai kur udhëtonte, dhe gjithashtu e ndalonte të ulej në të njëjtën tryezë kur ishte për darkë.

West nuk iu përgjigj asnjë prej pretendimeve të ish-truporjes së tij në atë kohë. /Telegrafi/