Ish-trajneri i Unitedit: Sanchez është lojtari që tifozët duan ta shohin në Old Trafford

Ish-trajneri i Manchester Unitedit, Rene Meulensteen beson se ardhja e Alexis Sanchez do të jetë një lëvizje e madhe për klubin anglez dhe lojtarin.

Alexis Sanchez pritet të përfundojë kalimin nga Arsenali në afatin aktual të transferimeve, me Henrikh Mkhitaryan të vendosur për të lëvizur në anën tjetër.

Unitedi mposhti rivalët e Man Cityt për të marrë rolin e kryesuesit në garën për yllin kilian, derisa fqinjët e tyre përfundimisht u hoqën nga ndjekja e tyre.

Lexo po ashtu Sanchez do t’i kushtojë Manchester Unitedit plot 204 milionë euro

Dhe duke folur për Goal.com, Meulensteen tha se është i bindur se Alexis mund të bëjë gjëra të mëdha në Old Trafford dhe ky është lojtari që tifozët e Unitedit presin.

“Nëse ata kanë arritur marrëveshje për kushtet personale, unë mendoj se është një lëvizje vërtet e mirë për Manchester Unitedin”, shpjegoi trajneri, i cili u shkarkua si menaxher i skuadrës indiane Kerala Blasters më parë këtë muaj.

Lexo po ashtu Alexis Sanchez do të bëhet lojtari më i paguar në Ligën Premier

“Është një lëvizje shumë e mirë për Alexis Sanchez. Për shkak se ai është në formë, ai është lloji i lojtarëve që tifozët e Manchester United dëshirojnë të shohin – energji të lartë, shkallë të lartë të punës, ai krijon dhe ai shënon gola”.

“Ai është një lojtar emocionues për të parë. Nëse ndodh, do të jetë mirë për të dyja palët”, përfundoi Rene Meulensteen.

Ndryshe, Meulensteen ishte për një kohë të gjatë ndihmës i Sir Alex Fergusonit te Unitedi, ndërsa ishte si trajner te skuadrat si Fulham, Anzhi, Al-Saad dhe Maccabi Haiffa. /Telegrafi/

Lexo po ashtu Xhaka flet për largimin e Sanchezit dhe afrimin e Mkhitaryanit në Arsenal