Ish-presidentja Jahjaga reagon për vdekjen e Petrovcit: Do ta kujtojmë si njeri të dashur dhe të përkushtuar ndaj artit

Ka ndërruar jetë ditën e sotme (e hënë) aktori dhe regjisori i njohur shqiptar, Enver Petrovci.

Të shumta qenë reagimet nga miqtë e familjarët e po ashtu edhe nga komuniteti artistik.

E për vdekjen e yllit të famshëm të kinematografisë reagoi së fundmi edhe ish-presidentja Atifete Jahjaga.

Ajo ka ndarë një postim në Facebook, ku e vlerëson Petrovcin për punën dhe angazhimin e gjatë si artist.

Postimi i plotë (pa ndërhyrje):

“I dhimbshëm lajmi për vdekjen e Enver Petrovcit!

Enverin do ta kujtojmë si aktor, dramaturg, poet e pedagog, por mbi të gjitha si njeri të dashur dhe të përkushtuar ndaj artit dhe brezave të rinj.

Ngushëllime familjarëve, miqve dhe gjithë komunitetit artistik”. /Telegrafi/