Ish-përfaqësuesja e Shqipërisë në Eurovision 2014 ironizon me Ronela Hajatin pas fitores në RTSh: Ku është kënga?

Ronela Hajati është shpallur fituese e edicionit të 60-të të Festivalit të Këngës në Radio Televizionin Shqiptar.

Kënga e saj “Sekret” do të jetë tashmë kënga përfaqësuese e Shqipërisë në Eurovision 2022, që do të mbahet në Itali.

Por mesa duket, kjo këngë nuk është pritur mirë nga të gjithë, pasi është kritikuar edhe nga vet kolegët e këngëtares Hajati.

Lexo po ashtu "Eurovisioni i përket të kaluarës", Hersi Matmuja rikthehet fuqishëm me këngë dhe festival me motive tradicionale në Shqipëri

Ka qenë përfaqësuesja e Shqipërisë në Eurovision 2014, Hersi Matmuja, ajo e cila përmes një videoje të publikuar në Facebook, ka ironizuar me këngën e saj.

“Ku është kënga?”, ka pyetur ajo, ndërsa ka marrë komente të shumta nga miqtë e saj në këtë rrjet social.

Tutje, ajo i është përgjigjur një komentuesi, duke thënë se përpiqet ta kuptojë këngën “Sekret”, por që nuk e gjen kuptimin e saj.

“Jam dakort që ka këngë më të mira Ronela. Nuk më pëlqen të flas negativisht por të betohem që po mundohem me dëshirën e mirë për ta kuptuar por si mendim profesional kjo nuk është këngë. Nuk e kuptoj dot nga fillon e nga mbaron. Teksti nuk ekziston, janë fjale të futura aty pa sens. Por unë asaj si vajzë i uroj suksese, profesionalisht kam shumë rezerva”, ka shkruar Hersi.

Hersi përndryshe e kishte përfaqësuar Shqipërinë në Eurovision në vitin 2014 në Danimarkë, me këngën “Zemërimi i një nate”, ku nuk kishte arritur të kualifikohej në finale. /Telegrafi/