Ish-lojtari i Juventusit mposhti tumorin, por iu desh t’i jepte fund karrierës

Deri pesë vite më parë, futbollisti italian Simone Muratore jetonte ëndrrat e tij si lojtar i Juventusit, për të cilin debutoi në Ligën e Kampionëve vetëm tre ditë pas nënshkrimit të kontratës, por më pas pasoi një kthesë e plotë në karrierën e tij.

Pas transferimit te Atalanta dhe huazimeve te Reggiana dhe Tondela, Muratore u diagnostikua me një tumor.

Për shkak të kësaj, ai u largua nga Atalanta në verën e vitit 2023 dhe u detyrua të bënte një pushim në karrierën e tij, por arriti të fitojë betejën e jetës së tij dhe të mposhtë tumorin.

Mirëpo, këto ditë ai ka bërë të ditur se nuk do të mund të luajë më futboll dhe në moshën 26-vjeçare ka varur këpucët e futbollit.

Ai i tha lamtumirë futbollit me një mesazh emocionues në të cilin zbuloi shkallën e sëmundjes të cilën po e luftonte.

Muratore tregoi se pas trajtimit duhej të mësonte sërish se si të fliste, të ecë, të shkruajë, të lexojë dhe të numërojë.

Muratore ishte gjithashtu anëtar i ekipit kombëtar të të rinjve të Italisë dhe luajti për të gjitha kategoritë e moshave deri në grupmoshën nën 21 vjeç.

View this post on Instagram

A post shared by SM38 (@simonemuratore)

Ai ka arritur të luajë vetëm pesë ndeshje për ekipin e parë të Juventusit para transferimit te Atalanta. /Telegrafi/