IPKO lëshon në qarkullim më shumë numra në 043

Nga kërkesa e madhe e konsumatorëve, IPKO pothuajse ka konsumuar kapacitetet me numrat 049. Kësisoj kompania ka hapur linja të reja të numrave në 043
Përdoruesve të rinj u mundësohet ta rezervojnë numrin e tyre të preferuar në IPKO në:

Numra nga 043 500 000 deri në 043 599 999; dhe

Numra nga 043 600 000 deri në 043 699 999

IPKO i mirëpret përdoruesit të rinj të këtyre linjave me 100 minuta kombëtarë dhe 1GB internet në mobil, dhuratë

IPKO është rritur me shpejtësi të madhe për vite me radhë, e bashkë me të edhe kërkesa për numrat 049. Mu për shkak të kësaj shkalle të lartë të kërkesës, IPKO sot ka njoftuar se ka hapur spektrin më të ri të numrave në numeracionin 0435xxxxx dhe 0436xxxxx.

“Jemi shumë të lumtur që po hapim kapacitete të reja dhe që u urojmë mirëseardhje konsumatorëve të rinj në operatorin më të avancuar të telefonisë mobile në Kosovë, i cili është i njohur për mbulueshmërinë më të gjerë dhe kualitetin më të lartë në shërbimet e internetit në mobil 3G dhe 4G. Në duam t’ua bëjmë të lehtë t’i bashkohen IPKO-së dhe t’i përdorin produktet, shërbimet, ofertat dhe teknologjitë që ne i ofrojmë të gjithë atyre që dëshirojnë të vijnë në IPKO”, ka thënë Robert Erzin, Drejtori Ekzekutiv i IPKO-së.

Klientët mund ta rezervojnë numrin e njëjtë 043 në IPKO përmes numrit të tyre ekzistues nga operatori tjetër. E tëra që klienti duhet të bëjë është ta shkruajë emrin dhe mbiemrin dhe ta dërgojë me SMS në numrin 043500500.

Numrat e rezervuar mund të merren në të gjitha dyqanet e IPKO-së brenda 14 ditësh pasi të jetë bërë rezervimi. Numrat e kësaj linje mund të blehen vetëm pasi që të njëjtit të jenë rezervuar.

Numrat e rinj 0435 dhe 0436 përmbajnë edhe benefite mirëseardhjeje për përdoruesit e rinj të IPKO-së. Më blerjen e numrit, përdoruesi merr edhe 100 minuta bisedë drejt të gjithë operatorëve në Kosovë, si dhe 1 GB internet 4G. /Telegrafi/