Inspektorati Policor i Kosovës (IPK) respektivisht hetuesit e Departamentit të Hetimeve të IPK-së, kanë arrestuar edhe zyrtarin e dytë policor në Ferizaj,  me dyshimin se i njëjtit ka kryer veprën penale “Keqpërdorim i pozitës apo autoritetit zyrtar”.

Në njoftimin e bërë nga Policia e Kosovës, thuhet se hetimet lidhur me këtë rast,  kanë vazhduar sot gjatë ditës në koordinim me prokurorin kompetent ku pasdite është arrestuar edhe një zyrtar policor i Stacionit Policor në Shtime (Drejtoria Rajonale e Ferizajt).

IPK arreston një zyrtar policor të dyshuar për marrje ryshfeti dhe keqpërdorim të detyrës zyrtare IPK arreston një zyrtar policor të dyshuar për marrje ryshfeti dhe keqpërdorim të detyrës zyrtare

Zyrtarit të arrestuar me vendim të prokurorit nga Prokuroria Themelore në Ferizaj i është caktuar masa e ndalimit për 48 orë.

Ndryshe më herët, IPK ka arrestuar edhe një zyrtar policor.

Sipas njoftimit për media IPK kishte pranuar dy ditë më herët një informacion lidhur me aktivitetin e dyshimtë për këtë zyrtar policor të Stacionit Policor në Shtime (Drejtoria Rajonale e Ferizajt). /Telegrafi/