Inzaghi do të bëhet trajneri më i paguar në Serie A me kontratën e re me Interin

Simone Inzaghi do të bëhet trajneri më i paguar në Serie A pasi më në fund ka rënë dakord për detajet financiare të një kontrate të re me kampionin në fuqi, Interin.

Sipas gazetarit Gianluca Di Marzio dhe Sky Sport Italia, fituesi i fundit i Scudettos do të vendosë një marrëveshje të re dyvjeçare, e cila do të zgjasë deri në verën e vitit 2026.

48-vjeçari do të marrë një pagë prej 6.5 milionë euro në sezon, pa përfshirë bonuset që lidhen me performancën, e cila është edhe më e lartë se kontrata prej 6 milionë euro në vit (plus bonuse) që ka nënshkruar së fundmi Antonio Conte me Napolin.

Interi pritet të përfundojë plotësisht deri të mërkurën, me një njoftim zyrtar që do të pasojë menjëherë më pas. Marrëveshja aktuale e trajnerit skadon në fund të sezonit të ardhshëm, në verën e vitit 2025.

🚨⚫️🔵 Simone Inzaghi has agreed on new deal at Inter valid until June 2026, done and set to be sealed.

The salary will be €6.5m net per season.

Understand there’s a special bonus worth €2m in case Inter win the Scudetto under Inzaghi again. pic.twitter.com/P71PhY3yzR

— Fabrizio Romano (@FabrizioRomano) July 9, 2024

Inzaghi ka qenë në bisedime për një rinovim prej disa muajsh, por një marrëveshje nuk kishte gjasa të arrihej kurrë para përfundimit të sezonit 2023/24.

Nerazzurrët përfundimisht kryesuan Serien A me 94 pikë apo një diferencë prej 19 pikësh sezonin e kaluar, duke lënë mbrapa rivalët e Milanit me 75 pikë.

Trajneri italian gjithashtu ndihmoi Interin në paraqitjen e tyre të parë në finalen e Ligës së Kampionëve në më shumë se një dekadë një vit më parë, duke humbur për pak trofeun ndaj Manchester Cityt. /Telegrafi/