Interi me fanellë të veçantë në ndeshjen derbi ndaj Milanit

Inter do ta veshë një fanellë të veçantë për të festuar 20-vjetorin e bashkëpunimit me Nike për ndeshjen ndaj Milan që zhvillohet në muajin e ardhshëm.

“Inter x Nike 20th Anniversary Kit” ka bashkuar 10 fanellat legjendare të klubit dhe do të vishet në ‘Derby della Madonnina’ që zhvillohet më 17 mars.

“Fanella është një hartë e historisë së viteve të fundit të Inter”, ka treguar Pete Hoppins, dizajneri i Nike për faqen zyrtare të klubit.

Lexo po ashtu Man City, PSG, Real Madrid - 100 klubet më të pasura në botë, duke llogaritur lojtarët, asetet, përfitimet, paratë në bankë dhe pasuritë e pronarëve

“Sfida ishte të bashkonim vijat në mënyrë që të shkonin sa më shumë me njëra-tjetrën dhe do të jetë diçka e bukur të shohim lojtarët ta veshin në një ndeshje kaq të rëndësishme”.

“Është një fanellë që të ringjall kujtime. Çdo vijë do t’ua kujtojë tifozëve lojtarin e preferuar të asaj kohe, sezone të rëndësishme dhe ndeshje të bukura”.

“Jemi krenarë me bashkëpunimin 20-vjeçar me Inter dhe kjo është një mënyrë me bukur për ta treguar”, ka deklaruar Hoppins.

Dizajnet që janë përzgjedhur dhe do të jenë në fanellë para janë: sezoni i parë i Inter me Niken, fanella e 100-vjetorit të klubit, sezoni i fundit i Javier Zanettit dhe rikthimi në Ligën e Kamapionëv.

Dizajni nga mbrapa do ta ketë fanellën e sezonit më legjendar të klubit kur fitoi tre trofe brenda një viti dhe disa dizajne nga e shkuara. /Telegrafi/