Interi nuk e përjashton më rikthimin e Lukakut

Sipas La Gazzetta dello Sport, drejtorët e Interit nuk e përjashtojnë më rikthimin e Romelu Lukakut gjatë verës, me sulmuesin e Chelseat që kërkon të veshë sërish fanellën e Nerazzurrëve.

Tuttosport raportoi javën e kaluar se ylli i The Blues ka telefonuar vazhdimisht drejtuesit dhe lojtarët e Interit për t’u thënë atyre se ai është i hapur për t’u rikthyer në Stadio Meazza.

Ish-ylli i Manchester United po kalon një moment të vështirë në Stamford Bridge, ku nuk ka nisur asnjë ndeshje që nga shkurti. Ai është i pakënaqur në Chelsea dhe po kërkon një rikthim në Inter.

Lexo po ashtu Lukaku u kërkon drejtuesve të Interit ta rikthejnë

Nerazzurrët duhet të balancojnë financat dhe mund të shesin disa nga yjet e tyre në afatin kalimtar të verës, por sipas La Gazzetta dello Sport, drejtorët e tyre nuk përjashtojnë më një rikthim të mundshëm të ish-yllit të tyre.

Raportimi specifikon se Interi do të përballonte vetëm kthimin e Lukakut në një marrëveshje huazimi. Që nga sot, Chelsea nuk mund të nënshkruajë apo të shesë lojtarë të rinj për shkak të sanksioneve ndaj pronarit të tyre Roman Abramovich. Blutë janë në proces të ndryshimit të pronësisë, ndaj Interi po pret të dijë se çfarë do të ndodhë në Stamford Bridge përpara se të flasë me gjigantët e Ligës Premier.

Lukaku shënoi 64 gola në 95 paraqitje në të gjitha garat gjatë periudhës së tij dyvjeçare në Inter nën drejtimin e Antonio Contes. /Telegrafi/

Lukaku chiama l’Inter: quelle telefonate con tanta voglia di tornare #calciomercato https://t.co/Kj07tFTSgT

— La Gazzetta dello Sport (@Gazzetta_it) April 5, 2022