LAJMI I FUNDIT:

Integrimi i Maqedonisë së Veriut në BE i kushtëzuar me gjuhën maqedonase?

Integrimi i Maqedonisë së Veriut në BE i kushtëzuar me gjuhën maqedonase?

Në dokumentin e publikuar në ueb faqen e parlamentit austriak lidhur me zgjerimin e BE-së dhe konkluzionet e 25 marsit për datën e çeljes së negociatave me Maqedonisë dhe Shqipërinë, mes tjerash shkruan se “dy deklarata shoqëruese të Këshillit Evropian si edhe deklarata e Komisionit, do të përfshihen në rezymenë e akteve të miratuara, si deklarata që duhet të evidentohen në procesverbalin e Këshillit si dhe deklarata e delegacionit bullgar, e pranuar gjatë procedurës së shkrimit.

Deklarata e delegacionit bullgar

“Gjuhën që e flasin qytetarët e Republikës së Maqedonisë së Veriut mund të përmendet si gjuhë zyrtare vetëm e Republikës së Maqedonisë së Veriut, edhe atë në dokumentet-pozicionet-deklaratat e BE-së nga ana e BE-së dhe mund të interpretohet si pranim për ekzistimin e një gjuhe të posaçme të ashtuquajtur gjuhë maqedonase”.

Sipas ish-ministrit të Jashtëm, Denko Malevski bëhet fjalë për dokument të bashkëngjitur.

“Është e vërtetë se të gjitha vendet- anëtare të BE-së qëndruan pas Maqedonisë, por të gjithë e dimë se në Union vendimet merren me konsensus. Nëse bullgarët vendosin të luajnë ashpër, mund të na bllokojnë. Duhet të punojmë në përmirësimin e marrëdhënieve tona me Bullgarinë”, tha Denko Malevski- ish diplomat.

OBRM-PDUKM dokumentet e publikuara i interpreton si pjesë e konkluzioneve të Këshillit të BE-së, mes të cilave është edhe Deklarata e delegacionit bullgar. Pohojnë se Qeveria është futur në një skandal serioz, ku siç thonë, këtë dokument nënçmues, e ka fshehur 23 ditë.

“Nëse e pranon këtë qeveria e Maqedonisë, pas emrit të përmendur, atëherë duhet të heqim dorë nga pakica maqedonase, nga gjuha maqedonase si dhe nga një pjesë e madhe e historisë maqedonase”, deklaroi Aleksandar Nikollovski- OBRM-PDUKM.

Në profilin e tij në Facebook, shefi i diplomacisë së Maqedonisë, Nikolla Dimitrov shkroi se bëhet fjalë për deklaratë unilaterale interpretuese, që i pasqyron pozicionet e një shteti- anëtar të BE-së respektivisht Bullgarisë.

“Është qartë e përmendur se kjo është pikëpamja e Bullgarisë (jo e BE-së). Dokument që vet BE nuk e publikoi në pako me konkluzionet. Pastaj, kjo deklaratë nuk ka asnjë efekt juridik ndaj përmbajtjes dhe vëllimit të vendimit të Unionit për fillimin e bisedimeve aderuese me Maqedoninë e Veriut”, shkroi në Facebook, ministri i jashtëm, Nikolla Dimitrov.

Në dokument thuhet se Bullgaria do ta japë pëlqimin e saj për Shqipërinë pasi të arrihet progres i mëtutjeshëm në garantimin e të drejtave të, siç shprehet Sofja zyrtare, pakicës nacionale bullgare në vend, sidomos në kontekst të regjistrimit të ardhshëm të popullsisë./Alsat/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori