LAJMI I FUNDIT:

Ia vodhi Rolexin, tentoi ta shtyp hajnin e armatosur me Lamborghini – pamjet nga Brazili bëhen virale

Ia vodhi Rolexin, tentoi ta shtyp hajnin e armatosur me Lamborghini – pamjet nga Brazili bëhen virale

Një video e kamerave të sigurisë ka regjistruar momentin kur një shofer me veturën e tij të shtrenjtë sportive Lamborghini, tenton të shtyp hajnin që ia kishte vjedhur orën Rolex.

Pamjet janë filmuar në Sao Paulo të Brazilit, ku shihet hajni me motoçikletë që shfrytëzon dritën e kuqe në semafor për t’ia vjedhë orën e shtrenjtë pronarit të Lamborghini, transmeton Telegrafi.

64-vjeçari i vihet pas hajnit duke e ndjekur dhe në një moment tenton ta shtyp me veturë, por ishte shtylla e ndriçimit publik që ia shpëtoi jetën hajnit, por jo edhe veturën që u shkatërrua.

Por derisa u largua me shpejtësi, hajni la pas telefonin e mençur dhe revolen e kalibrit 32, ka njoftuar policia braziliane, dëshmi këto që i ndihmuan të identifikojnë hajnin.

Policia shkoi për ta arrestuar, por që nuk e gjetën në shtëpi kur u shfaqën në pronën e tij. /Telegrafi/