“Humbje të mëdha ruse”: Forcat ukrainase kanë goditur një seli të grupit mercenar rus Wagner në Ukrainë

Forcat ukrainase kanë goditur një seli të grupit mercenar rus Wagner në Ukrainën lindore, ka thënë guvernatori ukrainas i Luhansk.

Sipas mediave të huaja, përcjell Telegrafi, Serhiy Haidai tha se një hotel ku ishte vendosur grupi në Kadiivka, rajoni Luhansk, u godit.

Ai shtoi se kishte humbje të mëdha ruse.

BBC thotë se nuk ishte në gjendje të verifikonte në mënyrë të pavarur praninë e Wagner në hotel.

Wagner janë mercenarë të sponsorizuar nga shteti që veprojnë në interes të Kremlinit, sipas ekspertëve perëndimorë.

Last night there were reportedly Ukrainian HIMARS strikes on a Wagner base in Kadiivka and a Russian barracks in Melitopol.https://t.co/MEi4Mmc72Phttps://t.co/tsNKIyhvhShttps://t.co/Y8anZqrSuDhttps://t.co/mi1wZCbK2P pic.twitter.com/2mSvQ66P5Q

— Rob Lee (@RALee85) December 11, 2022

Kompania private ushtarake, e krijuar nga Yevgeny Prigozhin, një bashkëpunëtor i ngushtë i presidentit rus Vladimir Putin, është akuzuar vazhdimisht për krime lufte dhe shkelje të të drejtave të njeriut.

Njësitë Wagner janë vendosur më parë në Krime, Siri, Libi, Mali dhe Republikën e Afrikës Qendrore.

Në sulmin në Kadiivka, Haidai tha se Rusia kishte pësuar “humbje të konsiderueshme” dhe ai priste që “të paktën 50%” e forcave të mbijetuara të vdisnin për shkak të mungesës së trajtimit mjekësor.

Goditja në hotel erdhi pasi konflikti u ndez gjithashtu në jug të Ukrainës – me Rusinë që lëshoi drone në Odesa dhe Ukraina duke luftuar në Melitopol. /Telegrafi/