Ekspozimi ndaj zhurmës së lartë është shkaku i dytë më i madh i humbjes së dëgjimit.
Organizata bamirëse ‘Action On Hearing Loss’ vuri në dukje: "Ekspozimi i gjatë ndaj tingujve mbi 80dB mund të dëmtojë veshët tuaj".
80dB, i referohet shkallës decibel të përdorur për të matur nivelet e zhurmës.
Foto: GettyImages
Bamirësia shpjegoi: "Ajo pasqyron ndjeshmërinë e veshëve të njeriut në nivele të ndryshme të tingullit".
Ekspozimi afatgjatë ndaj zhurmave të larta mund të shkurtojë gamën e frekuencave që mund të dëgjoni. Për shembull, aftësia për të dëgjuar tinguj të lartë dhe të ulët do të ulet, shkruan Express.co.uk.
Në fillim, kjo ulje e aftësisë së dëgjimit mund të kalojë pa u vërejtur, megjithatë një tingull i veçantë mund të shërbejë si një shenjë paralajmëruese. Nëse dëgjoni zhurmë në veshë - e njohur si tringëllimë në veshë - është një shenjë se dëgjimi është dëmtuar.
"Dy të tretat e njerëzve me tringëllimë në veshë kanë humbje të dëgjimit", konfirmoi bamirësia.
Disa njerëz mund ta përshkruajnë tingullin si "fërshëllimë, gumëzhitje ose gërvishtje". /Telegrafi/
