Një grua e identifikuar si Candela kishte humbur baraspeshimin dhe në një moment ishte rrëzuar nga platforma, duke përfunduar në mes të vagonëve të trenit dhe më fund nën platformën e stacionit në Buenos Aires të Argjentinës.

Kamerat e sigurisë kanë kapur momentin kur ajo mezi qëndronte në këmbë, dhe në një moment fillon të humb baraspeshimin dhe rrëzohet në drejtim të trenit që ishte në lëvizje, transmeton Telegrafi.

Ajo përfundon mes dy vagonëve që e godasin dhe më pas përfundon nën rrota. Por ajo çfarë u duk si vdekje e sigurt, doli të jetë krejt ndryshe.

Pas ndaljes së trenit dhe intervenimit të policisë dhe punonjësve të metrosë, ajo u nxor e gjallë – megjithatë me lëndime trupore.

Ajo është shoqëruar deri te autoambulanca me karrocë dhe dukej sikur ishte plotësisht e vetëdijshme. /Telegrafi/