Hong Kongu do të asgjësojë mijëra brejtës pasi Covid-19 u zbulua në 11 prej tyre

Hong Kongu ka urdhëruar që mijëra brejtës të dorëzohen për “asgjësim” pasi gjurmët e Covid-19 u gjetën në 11 prej tyre.

Sipas mediave të huaja, përcjell Telegrafi, urdhri përfshin kafshët shtëpiake që janë blerë pak ditë përpara Krishtlindjeve, me një paralajmërim për të mos “puthur ose braktisur ato në rrugë” pasi Hong Kongu dhe Kina kontinentale përpiqen të mbajnë një strategji zero Covid, duke u përpjekur të “shtypin” të gjitha shpërthimet brenda vendit duke ruajtur kontrolle të forta kufitare me botën e jashtme.

Autoritetet njoftuan të martën se gjurmët e virusit u zbuluan në 11 lloj brejtësish nga 178 brejtësit dhe lepuj.

Dy punonjës u konfirmuan gjithashtu se kishin sëmundjen, duke përfshirë një që pastron kafazet e kafshëve dhe trajton ato.

Si kundërpërgjigje, ata urdhëruan pezullimin e menjëhershëm të shitjes dhe importit të lloj brejtësve të të gjithë brejtësve.

Rreth 2,000 lloj brejtësish, përfshirë çdo lloj brejtësi të blerë që nga 22 dhjetori, duhet të dorëzohen, raportuan mediat lokale dhe pronarët duhet të raportojnë për testim.

Sekretarja e shëndetësisë e Hong Kongut, Sophia Chan, pranoi se nuk kishte asnjë provë që kafshët shtëpiake mund ta transmetonin sëmundjen te njerëzit, por autoritetet po vepronin për kujdes.

Një teori e tillë vjen një ditë pasi autoritetet kineze, të cilat po luftojnë në mënyrë të ngjashme me shpërthimet ndërsa ndjekin një strategji zero Covid, fajësuan një rast të pagjurmueshëm të variantit Omicron në Pekin në një paketë të dërguar nga Kanadaja, nëpërmjet SHBA-së dhe Hong Kongut. /Telegrafi/