Historia e hidhur e Steauas, klubit që e fitoi Ligën e Kampionëve e nuk luan më në Superligë – tashmë ia marrin edhe emrin

“Steaua pa emër”, ishte ky titulli i një emisioni muzike popullor rumun në kohën e diktaturës së Causheskut.

Por sot pikërisht ky titull është kthyer në një të vërtetë të hidhur, pasi sot Steaua nuk është më, ose të paktën nuk ekziston më klubi i presidentit Gigi Becali, që quhej kështu dhe luante në Divizionin e Parë rumun.

Pas një procesi gjyqësor Ministria e Mbrojtjes ka fituar betejën kundër klubit.

Gjykata vendosi që Becali nuk mund të përdorë më emrin e Steauas, kështu edhe pse ekziston mundësia për të apeluar këtë vendim, për momentin Steaua nuk është më.

Një fund i hidhur i aventurës së presidentit Gigi Becali në drejtimin e klubit.

Sipas të gjitha gjasave, klubi do të mbajë emrin “FCSB”, por ndërkohë Steauas i duhet ta rinisë aventurën e saj duke rilindur nga kategoria e katërt,transmeton ss.

Javën e kaluar Ministria e Mbrojtjes që fitoi të drejtën e emrit, bëri të ditur zyrtarisht se sezonin e ardhshëm do të krijojë skuadrën e vërtetë të Steauas.

45 % e tifozëve kanë bërë të ditur se do të ndjekin këtë klub, i cili do të udhëhiqet nga Marius Lacatus, por nuk përfundon këtu, pasi Ministria rumune e Mbrojtjes i ka kërkuar Becalit, një dëmshpërblim prej 37 milionë eurosh, pasi ka përdorur emrin e Steauas në 13 vitet e fundit, pa patur të drejtën ta bëjë diçka të tillë.

Steaua e Bukureshtit është klubi më i suksesshëm në Rumani, ku ka fituar 26 herë titullin kampion, 22 herë Kupën e Rumanisë.

Në arenën ndërkombëtare padyshim që të gjithë mbajnë mend suksesin e jashtëzakonshëm me fitimin e Ligës së Kampionëve, atëherë të quajtur Kupa e Evropës në sezonin 1985-1986 kur i rrëmbeu trofeun duke mposhtur me penallti ne finale Barcelonën.