Kuzhinier i famshëm, Jeff Baker, që përgatiti ushqim edhe për Mbretëreshën Elizabeth, zbuloi se çfarë gabimesh bëjmë në përgatitjen e salsiçeve dhe dha këshilla se si t’i përgatisim më mirë

Për ta bërë salsiçet sa më të shijshme, Jeff këshillon t’i nxirrni nga frigoriferi 20 minuta para gatimit.

Ngroheni një tigan me fund të trashë në temperaturë të ulët, më pas shtoni një lugë çaji yndyrë që të shkrihet në mënyrë që të mbulohet i gjithë fundi dhe hiqni yndyrën e tepërt nga tigani, transmeton Telegrafi.

Vendosim salsiçet në tigan, duke u kujdesur që të mos prekin njëra-tjetrën dhe të mbajnë temperaturën konstante. Kthejini rregullisht që të marrin një ngjyrë të artë nga të gjitha anët, shefi i kuzhinës rekomandon t’i skuqni për rreth 10-12 minuta.

Gjëja tjetër që duhet të bëni është t’i lini salsiçet të pushojnë për disa minuta, siç thotë shefi i kuzhinës – të pushojnë.

Gabimet më të zakonshme

Jeff zbuloi gjithashtu gabimet më të zakonshme që njerëzit bëjnë në përgatitjen e salsiçeve.

Gabimi i parë është heqja e lëkurës nga salsiçet dhe ai thotë se kjo nuk duhet bërë, sepse ato do të bëhen të thata dhe pa shije, pasi të gjitha lëngjet do të rrjedhin.

Gjithashtu ai këshillon që salsiçet mos skuqen kurrë në vaj të thellë, sepse edhe i than ato.

Së fundi, ai thekson se nuk duhet t’i piqni asnjëherë – megjithëse kjo duket si opsioni më i shëndetshëm, nuk do të jenë të shijshme, sepse pjekja parandalon krijimin e një koreje të shijshme dhe krokante në salsiçe. /Telegrafi/