Kryetari i Komunës së Gjilanit, Lutfi Haziri, ka kujtuar dhjetë martirët e Zhegrës, në 22 vjetorin e rënies.

Haziri tha se dhjetë martirët e Zhegrës dhe mijëra të tjerë, u sakrifikuan për lirinë, pavarësinë dhe të drejtat e shqiptarëve.

“Zhegra, historikisht ka qenë vendi i kryengritësve dhe vatra e luftëtarëve për mbrojtjen e kombit, ka qenë rreshti i parë në luftën për pavarësinë e shqiptarëve. Ne do t’i kujtojmë gjithmonë për sakrificën e tyre”, tha ai.

Ndryshe, 22 vite më parë, në fshatin Zhegër u ekzekutuan në mënyrën më barbare dhjetë martirë: Shyqeri Tahiri, Milazim Idrizi, Qazim e Qamile Haziri, Ukshin e Miradije Ukshini, Mustafë Asllani, Fitim Isufi, Raif Rrustemi edhe Avni Zenuni. /Telegrafi/