Deputeti i Partisë Demokratike të Kosovës, Bekim Haxhiu, i ka bërë thirrje edhe njëherë deputetëve të pozitës dhe atyre të opozitës që ta përkrahim ndryshimin e Projektligjit për Fondin e Kursimeve Pensionale, në mënyrë që të lejohet tërheqja e 30 për qind të mjeteve nga Trusti.
Në një konferencë për media të mbajtur të mërkurën, Haxhiu ka thënë se qytetarët janë duke u përballur me krizë të vazhdueshme, nga ajo energjetike deri te ajo ekonomike e inflacionit.
Ai ka thënë se të enjten bëhen 100 ditë prej kur PDK-ja ka inicuar plotësim-ndryshimin e këtij projektligji dhe sipas tij, Qeveria po e vonon këtë proces në mënyrë që të ushtrojë presion mbi deputetët.
“Nga deklarimi i pasurisë u pa që shumë politikanë kanë tërhequr mjete nga Trusti, pse kjo tu mohohet qytetarëve? Edhe vetë drejtori i Trustit i ka tërhequr mjetet. Kur pushtetarët tërheqin mjete nga Trusti, pse kjo t’u ndalohet qytetarëve? Në emër të PDK-së, i ftoj të gjithë deputetët pa dallim – pozitë dhe opozitë – që të mbështesin Projektligjin për Trustin”, ka deklaruar Haxhiu, raporton Telegrafi.
“E kam thënë edhe më parë që Projektligji për Trustin është shtyrë për të iu bërë presion deputetëve. Kam biseduar me shumicën e deputetëve të LVV-së të cilët kanë qenë të gatshëm ta votojnë projektligjin, por atyre iu është bërë presion nga Qeveria”.
Ndërsa, anëtarja e kryesisë së PDK-së, Safete Hadërgjonaj, ka kritikuar Qeverinë për “politika të pafavorshme ekonomike”.
Sipas saj, kjo qeveri “mashtruese” dhe pa alternativë, çdo ditë po e varfëron qytetarin e Republikës së Kosovës.
“Në këtë situatë ku Qeveria nuk ka ndërmarrë asnjë masë për të lehtësuar jetën e qytetarëve, e vetmja zgjidhje për qytetarët ka mbetur tërheqja e mjeteve nga Trusti. Ne do të donim që Qeveria në këtë periudhë krize, kur çdo ditë ka rritje të çmimeve, të ndërmerrte veprime urgjente për t’ua lehtësuar jetën qytetarëve, por kjo nuk po ndodhë”, ka thënë Hadërgjonaj.
Të enjten, Kuvendi i Kosovës do të shqyrtojë Projektligjin për ndryshimet në Fondin Pensional. Sipas propozimit të Haxhiut, qytetarëve do t’u mundësohet tërheqje deri në 30 për qind të Trustit për të kaluar krizën ekonomike. Megjithatë, propozimi s’ka marrë mbështetjen e pushtetit./Telegrafi/
Lufta Prigozhin - Putin
Më shumëNga Rubrika
A po e sjell Shkëlqim Devolli gjigantin McDonald’s në rajon?
CEFTA dhe Instrumentet e Tregut të Përbashkët Rajonal për integrimin e përshpejtuar të Ballkanit Perëndimor në tregun e vetëm të BE-së
Shkenca e të Dhënave – Kombinim i Statistikës, Programimit dhe Biznesit
Kompania kosovare që mobiloi resorte botërore
A don me mësu qysh me editu video?
Matematikë e thjeshtë, Nissan X-Trail i ri “00” - Auto Mita
A po e sjell Shkëlqim Devolli gjigantin McDonald’s në rajon?
Vip Card e Petrol Company, kartela më e kërkuar e besnikërisë
Hapet panairi EXPOKOS 2024, bashkon liderët e industrisë dhe inovacionit në Prishtinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë