Kryeministri në detyrë, Ramush Haradinaj, ka vizituar sot pikëkalimin kufitar “Dheu i Bardhë”, ku ka biseduar më zyrtarë të Policisë së Kosovës lidhur me gjendjen atje.

Haradinaj ka thënë se sot Kosova ka kufij më të sigurt e kontroll më efikase doganore për arsye se, forcimi i Policisë së Kosovës ka qenë prioritet i Qeverisë së tij.

“Në pikëkalimin “Dheu i Bardhë” pashë nga afër përkushtimin e policisë sonë kufitare dhe Doganave në kontrollin e kufirit shtetëror, si dhe shërbimet cilësore për qytetarët.

Forcimi i policisë dhe profesionalizmi ka qenë ndër prioritetet tona qeverisëse dhe sot Kosova ka kufij të sigurt dhe kontrolle efikase doganore. 100% shtet për 100% mirëqenie të policëve e doganierëve”, ka shkruar Haradinaj.