Kryeministri i Kosovës, Ramush Haradinaj ka zhvilluar një vizitë pune në Qendrën Nacionale Dispeçerike në Operatorin e Sistemit, Transmisionit dhe Tregut të Energjisë Elektrike në Kosovë (KOSTT).

Haradinaj me këtë rast, tha se ky organ është shumë i rëndësishëm për rrjetin energjetik të vendit dhe se me anë të votimit të rrjetin e operatorëve në Evropë do t’i mundësohej Kosovës shtrirje të plotë të autoritetit të tyre.

Ai shtoi se ky organ është një prej adresave të rëndësishme energjetike dhe se vota në organizatën energjetike evropiane do t’i mundësonte shtrirje të plotë të autoritetit energjetik të Kosovës, përfshirë edhe veriun.

“Shfrytëzova rastin që në përvjetorin e themelimit të KOSTT-it të bëjë këtë vizitë. Vota pro e operatorëve që mund të ndodhë i mundëson që të shtrijmë gjithë autoritetin tonë dhe në Veriun. Duhet të bëjmë një treg unik që është i rregulluar në Kosovë”, tha ai.

Drejtori i KOSTT-it, Ilir Shala, tha se ka njoftuar kryeministrin për rëndësinë përfaqësimit të këtij organi në organizatën ndërkombëtare, ku tha se me anë të kësaj KOSTT-i do të përfaqësohet si operator i pavarur. /KP/Telegrafi/