Është hapur Panairi Kombëtar i Punës, Karrierës dhe Ndërmarrësisë 2022, i organizuar në bashkëpunim mes Qeverisë së Kosovës, Agjencisë së Punësimit të Kosovës, Agjencisë Gjermane për Bashkëpunim Ndërkombëtar (GIZ) ,dhe Universitetit të Prishtinës “Hasan Prishtina”.

Reklama

Panairi Kombëtar i Punës, Karrierës dhe Ndërmarrësisë , është duke u zhvilluar në mënyrë fizike në sallën “1 Tetori” në Prishtinë, mirëpo për të gjithë ata që dëshirojnë dhe nuk mund ta vizitojnë panairin, ai tanimë gjendet edhe në formën online, në platformën virtuale.

Panairi Kombëtar i Punës, Karrierës dhe Ndërmarrësisë 2022

E në kudër të këtij panairi një ditor po marrin pjesë rreth 200 biznese, në mesin e tyre edhe Telegrafi përmes platformës “Telegrafi Jobs”. Bizneset nga e tërë Kosova,  po i prezantojnë produktet e tyre në panair.

Reklama
Reklama

Interesim nga njerëzit për panairin nuk mungonte. Brezar Xërxa, nga Telegrafi Jobs, tha se prej kur është hapur panairi nga ora 09:00 e mëngjesit kishte shumë interesim të njerëzve sidomos të studentëve.

“Ndoshta për shkak të asaj që zgjatë vetëm një ditë panairi. Mmirëpo kishte shumë interesim nga njerëzit, sidomos nga studentët. Përndryshe Telegrafi Jobs është duke marrë pjesë në panaire të tilla sa herë që po organizohen që të jetë më afër kërkesave të njerëzve. Telegrafi Jobs është njëra nga platformat më të kërkuara për shërbimet e punës, ku përmes saj ju mund të shpallni pozita të lira pune, bëni reklamimin e shpalljeve në të gjitha platformat sociale, shkarkimin e shpejtë të CV-ve të aplikantëve dhe shumë shërbime të tjera. Me një fjalë ua lehtëson shumë procesin e rekrutimit duke qenë Shoku Yt i Biznesit ”, tha Xërxa.

Reklama
Reklama

Ky panair ndahet në tri pavijone: Pavijoni i Punësimit, Pavijoni i Karrierës dhe Pavijoni i Ndërmarrësisë./Telegrafi/