​Është hapur Panairi Ndërkombëtar i Agrobiznesit, Ushqimit dhe Pijeve “Agrokos”, në të cilin po marrin pjesë mbi 100 kompani nga vendi, rajoni dhe më gjerë.

Bekim Xhafa nga CEO theksoi rëndësinë e panairit për promovimin e produkteve dhe për shkëmbimin e kontakteve me partnerë.

Po ashtu edhe përfaqësuesi i Odës Ekonomike të Federatës së Bosnjës, Emir Pashiq, theksoi se në këtë panair po marrin pjesë 17 kompani nga ky shtet, sipas të cilit shkrehin interes për bashkëpunim.

Ndërsa, përfaqësuesja e Odës së Afarizmit të Kosovës, Qëndresa Ibrahimi, tha se panairi është një ngjarje me rëndësi për zgjerim të biznesit dhe krijimin e kontakteve me partnerë.

Sot hapet Panairi Ndërkombëtar i Agrobiznesit dhe Ushqimit “Agrokos” Sot hapet Panairi Ndërkombëtar i Agrobiznesit dhe Ushqimit “Agrokos”

Ajo ka ftuar bizneset që t’i japin prioritet edhe sektorit të bujqësisë, ngaqë është shtytës i zhvillimit.

Gjithashtu pjesë e këtij panairi janë edhe kompani që merren me paketimin, ambalazhimin e produkteve bujqësore, si dhe institucionet shtetërore e financiare që me politikat e tyre ndikojnë në zhvillimin e sektorit te agrobiznesit.

Panairi i edicionit 19-të do të jetë i hapur prej 23-25 tetor në sallën “1 Tetori”. /KP/