Sot në qendër të qytetit të Pejës është hapur zyrtarisht kabina e informacionit (infobooth) për edicionin e 15-të të Festivalit Ndërkombëtar të Animacionit, Anibar 2024. Kjo hapësirë e re është një burim i rëndësishëm për të gjithë qytetarët dhe vizitorët që dëshirojnë të marrin pjesë në këtë ngjarje të veçantë kulturore.
Në këtë infobooth, qytetarët kanë mundësinë të blejnë bileta për filmat dhe after-party-të e festivalit, si dhe të zgjedhin nga një gamë e gjerë e produkteve të brendshme të Anibar. Për të rriturit dhe fëmijët janë të disponueshme bluza sportive me dizajnin unik të Anibar, çanta, shishe për pije, stickers të ndryshëm dhe posterë të festivalit.
Kabina e informacionit është e hapur çdo ditë nga ora 10 e mëngjesit deri në orën 10 të darkës, duke ofruar një shërbim të përshtatshëm për të gjithë ata që dëshirojnë të informohen mbi aktivitetet dhe programin e festivalit. Gjithashtu, të gjitha informacionet mbi Festivalin Ndërkombëtar të Animacionit Anibar 2024 mund të gjenden në këtë infobooth.
Anibar 2024 do të mbahet në Pejë nga data 15 deri më 21 korrik, duke sjellë një përzierje të pasur të filmave të animuar nga e gjithë bota dhe aktivitete të ndryshme artistike dhe kulturore.
Ky festival është një mundësi e shkëlqyer për të gjithë dashamirësit e animacionit dhe kulturës që të përjetojnë një javë të mbushur me krijimtari dhe argëtim. /Telegrafi/
