Hansi Flick ka lavdëruar ish-sulmuesin e Barcelonës, Lionel Messi, duke e quajtur një nga lojtarët më të mirë të dekadës së fundit. Trajneri gjerman shtoi se gjithmonë e ka shijuar të shikojë Messin duke luajtur.
Kur u pyet për mundësinë e rikthimit të Messit te klubi, Flick dha një përgjigje të zgjuar, duke vënë në dukje se kontrata e tij me Barcelonën përfundon para kontratës së Messit me Inter Miami, duke insistuar se vendimi nuk është në dorën e tij.
Vizita e tij në ‘Camp Nou’ ka nxitur spekulime për një rikthim të mundshëm te klubi. Një transferim i Messit në janar është përmendur si mundësi për ta mbajtur atë në formë gjatë pushimit të sezonit të MLS dhe përpara Botërorit.
“Messi është lojtari më i mirë i futbollit të dhjetë viteve të fundit, nëse jo më shumë. Gjithmonë kam kënaqësi ta shikoj të luajë, ai është fantastik, ajo që ka bërë është e pabesueshme”.
“Kontrata e tij përfundon në 2028, e imja në 2027… nuk është në dorën time a do ta stërvis”, ka deklaruar gjermani.
Lionel Messi
Flick ka udhëhequr Barcelonën drejt titullit të La Ligës në sezonin 2024/2025 dhe i ka çuar ata deri në gjysmëfinalet e Ligës së Kampionëve, ku humbën ngushtë me rezultat 5-4 ndaj Inter pas dy ndeshjeve.
Megjithatë, ky sezon ka nisur në mënyrë të vështirë. Barcelona është tashmë tre pikë pas Real Madrid në ligë dhe ka pësuar dy humbje, përfshirë një 2-1 në Clasico. Forma e tyre në Ligën e Kampionëve gjithashtu ka qenë zhgënjyese, duke u renditur në vendin e 11-të në tabelë.
Dëmtimet kanë luajtur një rol të madh në këto vështirësi, me lojtarë kyç si Pedri dhe Marcus Rashford që kanë mbetur jashtë fushës./Telegrafi/
