Armando Broja këtë sezon ka shfaqur formë shumë të mirë, pasi sulmuesi shqiptar po luan si i huazuar në Eredivisie te Vitessen, ndërsa Chelsea zotëron kartonin e tij.
Faqja e njohur për statistika dh vlerësime të futbollistëve ‘Transfermarkt’, ka publikuar një listë të sulmuesve nën 21-vjeç në kampionatet kryesore evropiane në këtë sezon.
Vëmendjen më të madhe e merr Erling Haaland i cili kryeson këtë klasifikim me 21 gola të realizuar në 23 ndeshje të Bundesligas, ku ka edhe gjashtë asistime.
Kjo renditje mbyllet pikërisht nga Armando Broja, që është autor i 9 golave në 25 ndeshje me Vitessen në këtë edicion të Eredivisies.
Shqiptari renditet në vendin e 10-të, ndërkohë para sulmuesit shqiptar qëndron talenti kanadez i Lille, Jonathan David. /Telegrafi/
