LAJMI I FUNDIT:

The Guardian: ‘Britanikët ishin heronjtë tanë’ – pse kosovarët e duan ekipin e Anglisë

The Guardian: ‘Britanikët ishin heronjtë tanë’ – pse kosovarët e duan ekipin e Anglisë

Në prag të ndeshjes ndërmjet Kosovës dhe Anglisë, e fundit në fazën kualifikuese për ‘Euro 2020’, vendi ynë është kryetemë në mediat britanike. The Guardian është mediumi i radhës që flet për mikpritjen e madhe që kanë organizuar qytetarët tanë për ta pritur ekipin anglez.

Artikulli nis me një përshkrim të kryeqytetit dhe dëshirën e fëmijëve për të luajtur futboll, ndërkohë që ndërlidhet me dy dekada më parë kur ushtarët britanikë, si pjesë e forcave të NATO-s, hynë në Prishtinë pas çlirimit të Kosovës.

Ambasada e Britanisë së Madhe publikon videon e tifozit: Kam qenë mbi 30 vende, por askund nuk jam pritur më mirë se në Kosovë
Lexo po ashtu Ambasada e Britanisë së Madhe publikon videon e tifozit: Kam qenë mbi 30 vende, por askund nuk jam pritur më mirë se në Kosovë

Nuk mungojnë edhe intervistat me banorët lokalë, ndërsa njëri prej tyre është Atdhe Muharremi, i cili ka kujtuar kthimin e tij në Prishtinë (në vitin 1999), pasi kishte qëndruar për tre muaj si refugjat në Maqedoni, ndërsa kthimin e tij e ka përshkruar me fjalët: Një fillim i ri… koha për të ndërtuar sërish një jetë të re dhe një shoqëri të re”.


“Ushtarët britanikë të KFOR-it patrullonin dhe nganjëherë përfshiheshin në lojë, ne ua pasonim topin. Ata ndaleshin, bisedonin me ne, përfshiheshin. Ishte një formë sjelljeje, një lidhje përmes lojës, nuk duhej ta flisnim të njëjtën gjuhë”.

“Ne i shihnim si heronj tanë. Ishin shumë të mirë, shumë të dashur me ne. Ishte një dashuri e dyanshme pa fjalë, energjia që ndjenim. Mund ta ndienim këtë dashuri”, ka treguar ai, teksa artikulli vazhdon me fjalët se kjo shpjegon mikpritjen e jashtëzakonshme të Anglisë dhe dashamirësinë që kanë shprehur tifozët e Kosovës ndaj ekipit që do ta kenë kundërshtar në fushë.

Roli i Mbretërisë së bashkuar si pjesë e koalicionit që i dha fund dhunës brutale, spastrimit etnik dhe gjenocidit serb, nuk është harruar kurrë në Kosovës. Prandaj, ka rrugë të emërtuara sipas Tony Blair e Robin Cook, dhe pse shumë fëmijë janë pagëzuar Tonibler. Dhe kjo është arsyeja pse qendra e Prishtinës është në atmosferë festime me mbishkrime dhe posterë falënderimi dhe mikpritjeje për skuadrën dhe tifozët anglezë.

Askush nuk mund të kalojë nëpër qendër të Prishtinës e të mos i vërejë mbishkrimit: “Mirë se vini dhe respekt”, si edhe flamujt e përbashkët të Anglisë dhe të Kosovës – shkruan The Guardian, transmeton Telegrafi.

Blodin Gagica, pronar i një restoranti në Prishtinë, shpjegon mikpritjen që po iu bëhet anglezëve: “Nuk e kemi bërë për vëmendje. E kemi bërë që t’ju themi faleminderit për të gjitha. Asnjëherë nuk kemi pritur se do të na jepej mundësia që ta bënim në këtë mënyrë, para se të luanim futboll ndaj Anglisë”.

Tash, falë edhe ndihmës së britanikëve, vajzat dhe djemtë në Kosovë, mund t’i jetësojnë ëndrrat e tyre. /Telegrafi/

Në trend Sport

Më shumë
PSG tundon Lamine Yamalin duke i ofruar kontratën marramendëse që merrte Mbappe

PSG tundon Lamine Yamalin duke i ofruar kontratën marramendëse që merrte Mbappe

Ndërkombëtare
Courtois është rikthyer te Belgjika, por situata ka dalë jashtë kontrollit: Portieri thotë se nuk e di çfarë flet Casteels

Courtois është rikthyer te Belgjika, por situata ka dalë jashtë kontrollit: Portieri thotë se nuk e di çfarë flet Casteels

Përfaqësueset
Futbollisti i pestë më i shtrenjtë në histori, ‘braktiset’ nga klubi i ri pas dy muajsh

Futbollisti i pestë më i shtrenjtë në histori, ‘braktiset’ nga klubi i ri pas dy muajsh

Ndërkombëtare
Real Madridi do ta shes Vinciusin, me një kusht – ka dy emra në listë për ta zëvendësuar brazilianin

Real Madridi do ta shes Vinciusin, me një kusht – ka dy emra në listë për ta zëvendësuar brazilianin

La Liga
I kërkuar me ngulm nga Real Madridi, Dean Huijsen i kthen përgjigje zyrtare gjigantit spanjoll

I kërkuar me ngulm nga Real Madridi, Dean Huijsen i kthen përgjigje zyrtare gjigantit spanjoll

La Liga
Sulmuesi i Gjermanisë që mban breshkat në frigorifer - Tim Kleindienst zbulon pasionin dhe dashurinë e tij për kafshën e veçantë

Sulmuesi i Gjermanisë që mban breshkat në frigorifer - Tim Kleindienst zbulon pasionin dhe dashurinë e tij për kafshën e veçantë

Ndërkombëtare
Kalo në kategori