Në Reddit është publikuar një video rrëqethëse, ku shihet se si një grua arrin ta shpëtojë një foshnje disa sekonda para se të shembej një pjesë e pllakës së shtëpisë.

Në video shihet se si kjo grua vrapon në dhomë për ta nxjerr foshnjën nga karroca, dhe e largon nga aty. Por ende pa kaluar disa sekonda, shihet se si fillojnë të bien copëza të betonit pikërisht mbi vendin ku po qëndronte i shtrirë në karrocë foshnja, transmeton Telegrafi.

Gjykuar nga pamjet ngjarja ka ndodhur më 24 mars të këtij viti, kurse disa përdorues të Reddit kanë vërejtur se asokohe kishte ndodhur një tërmet i fuqishëm në Filipine.

Por, disa pretendojnë se incidenti ka ndodhur në Kuvajt apo Arabinë Saudite ,dhe se shembja ka ndodhur për shkak të pikjes së ujit që ka bërë që pllaka të dobësohet shumë.

Sidoqoftë, shumë persona e kanë uruar gruan që ka arritur me kohë ta shpëtojë foshnjën. /Telegrafi/