Gruaja me këmbën e ‘elefantit’ mund të ecë sërish (Foto)

Roseanne Smith nga Teksasi i Shteteve të Bashkuara, është në gjendje të ecë sërish fal një tretmani që ia ka ndryshuar jetën.

Gruaja 54-vjeçare, që nga adoleshenca ka filluar të ndjehet keq meqenëse kyçet dhe shputa iu kanë ënjtur pa asnjë arsye, transmeton Telegrafi.

Mjekët nuk kishin asnjë shpjegim për bymimin e këmbës, ndërsa vetëbesimi saj kishte rënë në çdo nivel, sepse të gjithëve iu binte në sy këmba e saj gjigante.

Gjatë moshës 29-vjeçare, ajo është diagnostifikuar me lymphoedema, një gjendje e rrallë ku lëngjet që ndodhen në këmbë, duar, apo fytyrë nxisin fryrjen e këtyre pjesë, duke dalë nga proporcionet normale.

Meqenëse këmba e Smith ishte zgjeruar shumë, ajo ecte me shumë vështirësi, ndërsa nuk mund ta fshihte më nën rrobe.

Pas shumë vitesh të vështira, ajo ia ka dalë të shkoi në Kore të Jugut, ku i është nënshtruar procesit të heqjes së këtij lëngu dhe rigjenerimit të qelizave.

Nga këmba saj janë nxjerrë 17 litra lëng dhe është zvogëluar përgjysmë, duke e kthyer në një formë që mund të lëvizë dhe të ecë pa problem.

“Njërën këmbë e kisha sikur të elefantit, kurse tjetrën të hollë si të shpezëve. Jam e lumtur që më në fund mund të ecë e lirë, pa ndihmën e askujt” ka thënë ajo pas intervenimit. /Telegrafi/