Griezmann: Lojtar si Messi mund të mos shohim kurrë më, ose vetëm çdo 40 vjet

Antoine Griezmann e ka përshkruar shokun e tij të skuadrës, Lionel Messi, si një lojtar të një cilësie që mund të mos e shohim më kurrë.

Sulmuesi francez u lidh me Messin dhe Barçën para fillimit të sezonit pasi klubi katalunas aktivizoi klauzolën e tij të lëshimit prej 120 milionë eurosh gjatë afatit kalimtar të verës.

Kishte sugjerime që Messi dhe Griezmann nuk po arrijnë dot të ambientohen me njëri-tjetrin dhe raportet mes tyre nuk janë të mira.

Lexo po ashtu The Guardian ka shpallur listën e 100 futbollistëve më të mirë të vitit 2019 - Messi i pari, shumë befasi në renditje

Por, kur u pyet për përshtypjet e tij ndaj Messit që nga transferimi në Camp Nou, Griezmann zbuloi admirimin dhe frikën e tij për shokun e tij të skuadrës.

“Ne po flasim për një lojtar që mund të mos e shohim kurrë më, ose si ai ka vetëm çdo 40 vjet”, ka thënë fillimisht Griezmann për UEFA.com.

Lexo po ashtu Messi me rekord absolut, për herë të nëntë shënon mbi 50 gola brenda vitit

“Ne duhet të përfitojmë nga ai, qoftë ne që jemi shokët e tij të skuadrës, tifozët në tribuna apo trajnerët e tij”.

“Ajo që ai mund të bëjë me topin është e pabesueshme dhe është një gjë e bukur për ta parë duke luajtur dhe të luajë përkrah tij”, përfundoi francezi. /Telegrafi/