Dërgimi në Gjykatën Kushtetuese i ligjit të Pagave, e më pas pezullimi i këtij ligji nga ana e Gjykatës Kushtetuese ka bërë që SBAShK-u, të marrë vendim që nesër të mbajë grevë dy orëshe në të gjithë sistemin arsimor të Kosovës.
Mirëpo, kjo grevë po shihet si e papranueshme nga prindërit dhe nga njohësit e fushës së arsimit, të cilët thotë se nga greva po dëmtohen vetëm nxënësit.
Sanije Bajrami është nënë e dy fëmijëve të cilët vijojnë mësimin në kryeqytet dhe thotë se greva po i dëmton fëmijët.
Ajo thotë se SBAShK-u duhet të mendojë forma të tjera për arritjen e qëllimeve të tyre dhe jo të mbajnë greva, pasi tashmë kur është përfundimi i gjysmëvjetorit të parë po dëmtohen nxënësit.
“Shumë keq për fëmijët, është viti i fundit dhe janë duke u mbyllur notat, është shumë keq”, thotë ajo.
Grevën si të dëmshme po e sheh edhe Adile Veseli, e cila thotë se fëmijët janë dëmtuar mjaftueshëm nga greva që është mbajtur më herët kur mësimdhënësit kërkonin rritje të koeficientit të pagave.
“Është shumë keq se tash është fundi i vitit, është shumë keq për fëmijët, boll kanë humbur mësimin dhe tash me greva me këto, shumë keq”, thotë ajo.
Ndërkaq, kryetari i Këshillit të Prindërve të Kosovës, Ymret Reshiti, për KosovaPress thotë se janë të shqetësuar nga paralajmërimi për mbajtje të grevës, pasi sipas tij, nga këto greva po dëmtohen vetëm nxënësit.
Ai thotë se nxënësit po dëmtohen nga mbajtja e grevave, për çka SBAShK-u është dashur ta ketë parasysh se ndodhen në proces të përfundimit të gjysmëvjetorit të parë.
“Ne konsiderojmë që çdo grevë që bëhet në arsim është e dëmshme, sepse dëmton interesin e nxënësve në mësimnxënie. Duhet të kemi parasysh që tash është edhe përfundimi i gjysmëvjetorit të parë, janë edhe disa çështje që kanë të bëjnë me mbylljen e notave, çështje tjera teknike. Ne jemi kundër grevave, sepse grevat nuk janë të mira. Viktimë janë fëmijët, mirëpo fajtor janë institucionet e Kosovës. Çdo grevë që mbahet në arsim ne nuk e mirëpresim, jemi të shqetësuar se vetëm është e dëmshme nuk sjell dobi”, thotë ai përmes telefonit.
Reshiti thotë se SBAShK-u do të duhej të mendonte alternativa të tjera si protesta për të arritur qëllimet e tyre dhe jo grevën, pasi greva po dëmton nxënësit.
“Do të ishte më e mirë që në vend të grevës së nesërme të ishte një protestë e SBAShK-ut, të ishte një paralajmërim nëse ndodhë diçka, atëherë veç le të jetë si paralajmërim, po jo në grevë efektive”, thotë ai.
Mbajtjen e grevës si të papranueshme po e sheh edhe Rinor Qehaja nga Instituti EdGuard, i cili thotë se është e padrejtë ndaj nxënësve që opsioni i parë i SBAShK-ut të jetë greva.
Ai thotë se ka edhe veprime të tjera sindikale që do të mund të përdoreshin nga SBAShK-u për të kundërshtuar pezullimin e ligjit të pagave dhe jo të kalojnë drejtpërdrejtë në grevë.
“Veprimi sindikal i grevës në arsim më të vërtetë është i papranueshëm, në veçanti kur dihet dëmi që tashmë është shkaktuar qysh në vitin e kaluar nga greva dhe periudha e pas grevës. Andaj, edhe shpresa ime është që SBAShK-u të reflektojë në situatën e vitit të kaluar në mënyrë që procesi mësimor asnjëherë të mos dëmtohet sikurse që ka ndodhur…Është më të vërtetë e patolerueshme dhe e padrejtë ndaj nxënësve që ky veprim sindikal i grevës, drejtpërdrejtë të jetë opsioni i parë dhe i vetëm i SBAShK-ut. Rikujtojë se ka veprime të tjera sindikale të cilat SBAShK-u mundet me i shqyrtuar, në mënyrë që në asnjë moment të mos dëmtohet procesi mësimor”, thotë ai.
Qehaja thotë se sistemi arsimor i Kosovës nuk ka kohë për të humbur dhe se greva e dëmton shumë procesin mësimor.
“Neve tash së fundi kishim rezultatin e testit PISA, vendi jonë dhe sistemi jonë arsimor në asnjë moment nuk ka kohë për të humbur dhe greva është diçka që e humbet këtë kohë dhe dëmtoj jashtëzakonisht shumë procesin mësimor”, thotë Qehaja.
Kujtojmë se Avokati i Popullit e ka dërguar në Gjykatën Kushtetuese ligjin për Pagat, kurse Gjykata sot ka marrë vendim për ta pezulluar këtë ligj deri më 30 mars 2020.
Përveç SBAShK-ut ndaj këtij vendimi kanë reaguar edhe Sindikata e Shëndetësisë dhe ajo e Policisë së Kosovës, të cilët po ashtu do të mbajnë veprime sindikale. Po ashtu, edhe Sindikata e Shërbimit Korrektues ka deklaruar se do të ndërmarrin veprime kundër këtij vendimi të Gjykatës Kushtetuese./KP/
Promo
Reklamo këtuLufta Prigozhin - Putin
Më shumëNga Rubrika
Gjendja shëndetësore e 20-vjeçarit që u ther me thikë në Ferizaj është stabile
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Dita e dytë e fushatës për zgjedhjet kuvendare, politikanët kërkojnë vota edhe në diasporë
Serwer tregon se pse Serbia i frikësohet anëtarësimit të Kosovës në Këshillin e Evropës
Arrestimet e qytetarëve të Kosovës në kufi, analistët në Beograd: Serbia ka prekur fundin moral e politik
“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Kosovari i arrestuar në kufi, Serbia pretendon se ishte pjesë e luftës, mohon OVL-UÇK
Një muaj paraburgim për shqiptarin nga Kosova të arrestuar në Serbi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi