Musa Sabedini
Gratë e dhunuara janë kategoria më e shkelur, më e goditur institucionalisht dhe më e nëpërkëmbur nga vetë shoqëria kosovare. Një nënë, një grua, apo një motër shqiptare që ka përjetuar aktin më të rëndë të dhunimit, është heroinë e Kosovës. Ajo, pa fajin e saj, pa dëshirën e saj, i është ekspozuar më të keqes, i është ekspozuar krimit më të rëndë të mundshëm.
Pas luftës, shoqëria kosovare, institucionet tona, familjet e tyre deri diku janë vendosur “kundër” fatit të tyre për të jetuar të lira, për të jetuar me dinjitet e vlera si çdo grua shqiptare.
Gratë e dhunuara, për asnjë moment nuk duhet të ndihen keq në rrethin ku jetojnë. Obligim i çdo kryefamiljari shqiptar është përballja me këtë situatë. Kjo moto duhet të vlejë për çdo zyrtar kosovar që has ose takon drejtpërdrejtë një grua të dhunuar. Kjo moto duhet të vlejë për çdo prind, mësues, nxënës, student, intelektual e gazetar, në kontakte e takime me këtë kategori.
Po nënvizoj këtë fakt, sepse pas luftës, shumë zyrtarë, derisa kanë intervistuar gratë e dhunuara, i kanë përqeshur dhe janë tallur me to, duke i qitur në pozita të papërshtatshme. Edhe ato pak gra që janë martuar apo kanë tentuar të ri-integrohen në jetën normale, sot heqin të zitë e ullirit, sepse nuk mirëkuptohen nga bashkëshorti, nuk gjejnë rahati shpirtërore nga familja e burrit dhe nuk adaptohen lehtë në ambientin ku jetojnë.
Epo nuk e thashë rastësisht se gratë e dhunuara e kanë vështirë të mbijetojnë në një shoqëri primitive. Vetëm një shoqëri mosmirënjohëse, vetëm një shoqëri e paedukuar dhe e pa ndjenja, mund të përbuzë këtë kategori. S`ka asnjë përgjigje tjetër që mund ta definojë pozitën e tyre.
Ato kanë flijuar gjithçka për të shpëtuar familjet e tyre dhe veten. E çka duhet të humbin ato më shumë, tash e tutje. Gratë e dhunuara duhet të përfitojnë përpara të burgosurve politikë, përpara çdo kategorie tjetër që po çirren se kanë bërë diçka për Kosovën.
Gratë e dhunuara duhet të ri-integrohen. Me to duhet të punohet maksimalisht. Duhet të krijohen ekipe të ekspertëve nga fusha të caktuara, në mënyrë që të përfitojnë, së pari rahatinë shpirtërore dhe pastaj edhe të tjerat.
Gratë e dhunuara duhet të kuptojnë se janë në shërbim të Kosovës dhe se ato kanë mundësi që të rrëfehen publikisht, pa ndjerë fije turpi. Mundësia e deklarimit publikisht, atyre u ndihmon shumë. Por kjo nuk bëhet shpejt e as për një ditë. Mjafton që ato të rrëfejnë përvojën e tyre para një audience të zgjedhur, para studentëve, diplomatëve të huaj, shkollave sociale e psikologjike dhe institucioneve tjera që merren me trajtimin e këtij fenomeni.
Kosova dhe gratë e dhunuara mund të tregojnë shumë para botës. Vazhdimisht themi se bota e njeh dhe e di për luftën e Kosovës, por nuk duhet të harrojmë se luftërat fitohen tek pas shumë vitesh pasi të kenë përfunduar. Beteja për ta fituar një luftë lidhet me faktet dhe dëshmitë e ofruara, që në këtë rast Kosova ka shumë, vetëm na mungon strategjia dhe sistemimi i dokumentacionit real që lidhet me fenomenin e dhunimit.
Promo
Reklamo këtuLufta Prigozhin - Putin
Më shumëErjolën e hedhin në mes të natës në pishinë, i ekspozohen pjesët intime
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Këngëtari i famshëm britanik bën publike lidhjen me bukuroshen shqiptare, Xhoana Xheneti
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Nga Spanja raportojnë se Lunin ka arritur marrëveshje me gjigantin e Ligës Premier
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak