Reperi i njohur Gold AG kishte paralajmëruar se sot (e shtunë) do të publikonte projektin e tij më të ri muzikor, këngën me titull "Omëlsina".
Njëlloj kishte paralajmëruar edhe këngëtarja Arta Bajrami që sot në orën 18:00 do të lansonte këngën e re të saj "A dalim".
Por, asnjëra nga këto dy projekte nuk do të publikohen sot!
Arsyeja është për shkak të ndeshjes Kroaci-Kosovë dhe Shqipëri- Lihtenshtejn, që zhvillohet sonte, pasi që edhe gjithë vëmendja e gjithë publikut është e përqendruar te këto dy lojë.
Arta ka bërë një lajmërim për ndjekësit e saj në InstaStory se për shkak të ndeshjes, e shtyn publikimin e klipit "A dalim" për nesër.
Ndërkohë, Gold AG ka bërë gjithashtu një shkrim, duke treguar se nga nesër fansat do të kenë mundësinë të dëgjojnë këngën "Omëlsina". /Telegrafi/
