Dëshmia kontroverse e Fahrudin Radonçiq në gjykimin e ‘bosit të drogës’ në Kosovë ka lëkundur koalicionin qeveritar në Bosnjë.
“Ne kemi relacione të ftohta, zyrtare dhe duhet të mbesin të tilla”, tha Bakir Izetbegoviq të hënën pas një mbledhje urgjente të kryesisë së Partisë për Veprime Demokratike, SDA, që u mblodhën për të rishikuar statusin e koalicionit të tyre me Aleancën për Ardhmëri më të Mirë, SBB, që udhëhiqet nga Fahrudin Radonçiq.
“Kolegjiumi i SDA-së ka shqyrtuar deklaratat e Radonçiqit në Gjykatën e Kosovës dhe i ka dënuar ato fuqishëm”, shtoi Izetbegoviq.
“Kolegjiumi beson se koalicioni SDA-SBB duhet të mbetet, pa marrë parasysh marrëdhëniet në mes të Izetbegoviq dhe Radonçiq”, shtoi ai.
Aleanca në mes të dy partive kryesore nacionaliste të Bosnjës është pjesa kryesore e koalicionit udhëheqës në nivel shteti si dhe në federatën etnike të Bosnjës së dominuar nga boshnjakët dhe kroatët.
Ndarja e tyre në këtë rast do të shkundte edhe shtetin e Bosnjës dhe qeveritë e federatës etnike.
Të dy, Izetbegoviq dhe Radonçiq në deklarata të ndara të hënën pretenduan se aleanca në mes të dy partive është e palëkundshme.
Gjithsesi, zyrtarë nga të dy partitë thanë për Balkan Insight se armiqësitë e thella në mes të dy liderëve kanë dalë në sipërfaqe pasi që të dy partitë, pas zgjedhjeve të fundit lokale kanë filluar të pozicionohen për zgjedhjet e përgjithshme të vitit 2018.
Tensionet në mes të partive shpërthyen në ditët e kaluara pas disa deklaratave kontroverse të bëra nga Radonçiq në Gjykatën e Prishtinës në Kosovë.
Manjati i mediave dhe udhëheqësi i SBB-së ishte në Kosovë në javën e kaluar për të dëshmuar në gjykimin e Naser Kelmendit, që konsiderohet një nga bosët kryesorë të drogës në Ballkan.
Radonçiq dëshmoi për lidhjet e tij të dyshuara me Kelmendin dhe pjesëtarë të tjerë të mafias dhe qarqeve politike në rajon.
Në gjykatë, Radonçiq mohoi ndonjë lidhje speciale me Kelmendin por pastaj foli për anëtarë të tjerë të bandave të organizuara të krimit në Bosnje si është Ramiz Delaliq ‘Celo’ që u vra në qershor të vitit 2007.
Në dëshminë e tij televizive, Radonçiq tha se para, gjatë dhe pas luftës së viteve 1992-1995 në Bosnjë, Celo ka vepruar si një vrasës i kontraktuar për udhëheqësinë politike të Bosnjës dhe shërbimin sekret të tyre, kur babai i Bakirit, Alija Izetbegoviq, udhëhoqi SDA-në.
Radonçiq tha se udhëheqësia e Bosnjës kishte urdhëruar Celon të vriste një pjesëtar të një dasme boshnjako-serbe më 1 mars të vitit 1992, që kujtohet si një nga ngjarjet që nxiti luftën në Bosnje.
Ai gjithashtu tha se Celo u mbyt me urdhra të ‘mafisë shtetërore boshnjake’ duke implikuar kështu udhëheqësinë e SDA-së dhe vetë Alija Izetbegoviqin.
Radonçiq përsëriti disa nga këto deklarata të hënën në ditën e fundit të dëshmisë.
Ai gjithashtu tha se udhëheqësia e SDA-së ishte mbrapa çështjes ligjore kundër tij që është në vazhdim në Bosnje që nga fillimi i vitit 2016 për dyshime për ndikim në dëshmitarë nga Radonçiq në gjykimin e Kelmendit në Prishtinë.
Radonçiq ishte arrestuar dhe liruar disa herë dhe në ndërkohë ka kaluar disa muaj në burg. Tani ai po mbrohet në liri.
I pyetur nga gjykata se a nënkupton liderin e ri të SDA-së, Bakir Izetbegoviq kur përmend ‘mafinë shtetërore të Bosnjës’, Radonçiq e mohoi duke thënë se kjo pyetje ishte sugjestive dhe jo korrekte ndaj partnerit në koalicion.
“Unë nuk dua ta komplikoj situatën politike në Bosnje dhe Hercegovinë me përgjigjet e mia“, shtoi Radonçiq.
Megjithatë, deklaratat e tij kanë zemëruar udhëheqësinë e SDA-së dhe Bakir Izetbegoviq dhe si rrjedhojë u mbajt mbledhja urgjente e udhëheqësisë të SDA-së.
“Ne nuk do të qëndrojmë të heshtur dhe jo aktivë kur fliten gënjeshtra për SDA-në dhe Alija Izetbegoviqin”, tha Bakir Izetbegoviq, para se të theksojë se të dy partitë duhet të fokusohen në stabilitet të qeverisë më shumë se në grindje personale. /kallxo.com/
Promo
Reklamo këtuLufta Prigozhin - Putin
Më shumëNga Rubrika
Kthehen çmimet e vjetra për polisat e sigurimit në Maqedoni
Pas largimit të Escobarit dhe Lajçakut, Qorolli: E nisën keq me Asociacion, e përfunduan edhe më keq pa përparim në prioritetin e gabuar
Mosrealizimi i votës së Diasporës, PD kallëzon në SPAK kryetaren e Kuvendit të Shqipërisë
Presidentja Osmani në SHBA, merr “mësimin e parë” në pilotimin e helikopterit nga piloti që shërbeu 15 vjet në Kosovë
Edhe 7 ditë për regjistrimin e popullsisë, ASK: Është obligim ligjor, nëse nuk jeni kontaktuar nga regjistruesit thirrni në këta numra
Historia e duhur e javës së ardhshme për Kosovën në KiE, Murtezaj thirrje Macronit, Scholzit dhe Melonit: Bëjeni realitet fitoren evropiane
E godasin me veturë e më pas e rrahin, dy të dyshuarit arratisen në Prishtinë
Nga sot fillon konvertimi i patentë-shoferëve ilegalë në RKS
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Dy ushtarakë e poshtërojnë Vladimir Putinin - nuk pranojnë ta përshëndesin presidentin rus
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
Besa dështon ta kualifikojë Shqipërinë në finalen e "Eurovision 2024"
Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike
Lista e 50 klubeve më të vlefshme të futbollit: Man Utd lë pas Real Madridin, ngjiten klubet e MLS
Teuta Selimi injoron tërësisht raportimet në media për dhunën nga burri dhe vëllai - paralajmëron koncertin e radhës në Zvicër