Përmes platformës online “Zoom”, Angela Griep, shefe e Informimit dhe Komunikimit Publik në Dhomat e Specializuara të Kosovës (DhSK), ka bërë të ditur se 18 marsi është caktuar si ditë kur Hysni Gucati dhe Nasim Haradinaj, do të paraqesin deklaratat e tyre përmbyllëse.
Në konferencën për medie të mbajtur të enjten, Griep ka dhënë informacione të përditësuara mbi zhvillimet e fundit lidhur me procedurat gjyqësore dhe veprimtaritë në këtë gjykatë.
Ajo ka thënë se në rastin e Gucatit e Haradinajt, Zyra e Prokurorit të Specializuar (ZPS) e ka dorëzuar dosjen përfundimtare më 3 mars.
“Deklaratat përmbyllëse të palëve janë planifikuar të mbahen prej 14 marsit, duke filluar në orën 9:30 deri më 18 mars. Gjatë deklaratave përmbyllëse, palët do të përpiqen të theksojnë aspektet më të rëndësishme të çështjeve të tyre dhe anëtarët e trupit gjykues mund të bëjnë pyetje. Të akuzuarit kanë të drejtë të flasin të fundit dhe deklaratat e tyre janë caktuar për 18 mars”, ka thënë Griep.
Tutje, ajo tha se më 7 mars, kryetarja Ekaterina Trendafilova e caktoi një panel të Gjykatës së Apelit pas apelit të Nasim Haradinaj kundër vendimit të trupit gjykues II, që urdhëronte vazhdimin e paraburgimit të tij.
Griep ka deklaruar se në rastin e Salih Mustafës, konferenca përgatitore e mbrojtjes për gjykim u mbajt bashkë me konferencën për statusin e viktimave më 8 dhe 9 mars për t’i diskutuar hapat e ardhshëm procedural.
“Trupi gjykues lëshoi një numër urdhrash gojor në këtë rast, përfshirë caktimin e 22 marsit si datë për deklaratën hyrëse të mbrojtjes, pastaj 23 marsin kur do të fillojë dhënia e dëshmisë nga dëshmitari i parë i mbrojtjes. Mbrojtjes iu caktuan gjithsej 36 orë për marrjen në pyetje të 17 dëshmitarëve të saj të autorizuar për të dhënë dëshmi”, ka thënë ajo, raporton “Betimi për Drejtësi”.
Tutje, Griep tha se trupi gjykues e lejoi viktimën 0505 që t’i shpreh mendimet dhe shqetësimet e veta para trupit gjykues më 21 mars në orën 9:30 për një orë, identiteti i viktimës nuk do t’i zbulohet publikut.
“Përveç kësaj, trupi gjykues e ngarkoi Institutin e Mjekësisë Ligjore të Holandës për ta bërë vlerësimin e gjendjes shëndetësore psiqike dhe fizike dhe të dëmeve dhe lëndimeve të pësuara nga tri viktima dhe e urdhëroi institutin që ta përgatis një raport”, ka thënë ajo.
Ajo ka thënë se ky raport duhet t’i dorëzohet trupit gjykues deri më 13 maj dhe nuk e kushtëzon vendimin përfundimtar të trupit gjykues për pafajësinë ose fajësinë e të akuzuarit.
Sipas saj, më 4 mars, gjyqtari i procedurës paraprake në çështjen e Pjetër Shalës, e caktoi 31 majin si datë paraprake deri në të cilën ai synon t’ia kalojë dosjen e çështjes trupit gjykues.
Kurse, shtoi se seanca e ardhshme paraprake në rastin kundër Hashim Thaçit, Kadri Veselit, Jakup Krasniqit dhe Rexhep Selimit, është caktuar të mbahet më 24 mars.
Ndryshe, Dhomat e Specializuara të Kosovës në Hagë, çdo të enjte, në orën 14:30, përmes platformës online “Zoom” mbajnë informim javor ku ofrojnë informacione të përditësuara mbi zhvillimet e fundit lidhur me procedurat gjyqësore dhe veprimtaritë në këtë gjykatë.
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Projekti më i mirë, Piramida e Tiranës fiton çmimin e madh për Evropën Juglindore
Kosova jashtë KiE-së, deputetja finlandeze akuzon BE-në se po tregohet e butë me Serbinë
Bie nataliteti në Kosovë, ASK dhe MPB me statistika të ndryshme për lindjet
Kosova jashtë KiE, Mujanoviq: BE po çon ujë në ‘mullirin’ e Vuçiqit
Plagosje me armë zjarri në Nashec të Prizrenit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore