Gjykata e Koresë së Jugut urdhëron kompensimin e tifozëve për ‘rastin Ronaldo’

Një promoter i Koresë së Jugut u urdhërua të dëmshpërblejë tifozët të premten pasi superylli i Juventusit, Cristiano Ronaldo, nuk arriti të luante një ndeshje miqësore siç ishte premtuar.

Pesë herë fituesi i Topit të Artë qëndroi në stol gjatë një barazimi 3-3 me një ekip të yjeve të K-League në korrik të vitit të kaluar, pavarësisht lutjeve dhe zemërimit të një turme prej 65 mijë tifozësh në stadiumin e Seulit.

Promoteri apo organizatori i ndeshjes, Fasta, kishte drejtuar reklama duke premtuar se sulmuesi portugez do të luante në këtë ndeshje, por kjo nuk ndodhi.

Gjykata Qendrore e Rrethit në Seulit urdhëroi Fasta-n të kthejë gjysmën e çmimit të biletës dhe një shtesë prej 38 eurosh dëmshpërblim për secilin prej 162 paditësve që kishin paditur organizatorin.

Lexo po ashtu Cristiano Ronaldo i shikon nga banka se si yjet e K-League e kopjojnë festimin e tij 'SIU'

Biletat – me çmim nga 22.6 euro deri në 302 euro – ishin shitur në më pak se tre minuta pasi kishte shumë interesim për të parë 35-vjeçarin.

“I pandehuri ka detyrime kontraktuale që Ronaldo të luajë në lojë duke përjashtuar çdo rrethanë të paparashikuar”.

“Tifozët që kishin ardhur duke pritur që Ronaldo të luante pësuan “shqetësim emocional”, thuhet në njoftimin e gjykatës.

Asnjë urdhër nuk u bë kundër Ronaldos ose Juventusit.

'Emotional distress': South Korea court orders compensation for Ronaldo no-show https://t.co/iOvgn5hvzQ pic.twitter.com/CKe49Nx56e

— CNA (@ChannelNewsAsia) November 20, 2020

Vendimi pasoi një gjykatë në një rreth tjetër duke urdhëruar Fasta-n të dëmshpërblejë dy tifozë që e kishin akuzuar atë për reklama false.

Zemërimi për mungesën e superyllit u përhap përtej adhuruesve të sportit në publikun e gjerë, duke nxitur krijimin e një fraze në internet “duke vepruar si Ronaldo”, duke iu referuar dikujt që nuk i mban premtimet e tyre.

K-League akuzoi Juventusin për “mashtrim”. /Telegrafi/